ފައިސާ ނުދީފި ނަމަ އިނގިލިތައް ބުރިކޮށްލާނެކަމަށް ބުނި މީހުން ހައްޔަރުކޮށްފި
ގުފްތަގް އަޖީރު
20 ސެޕްޓެމްބަރ 2024 - 19:12:56
ބިދޭސީންތަކެއްގެ އަތުން ފައިސާ ފޭރުމުގެ މައްސަލައެއްގައި ދެ ދިވެއްސަކު ފުލުހުން ރޭ މާލެއިން ހައްޔަރުކޮށްފިއެވެ.
މި މައްސަލައިގައި ހައްޔަރުކުރެވުނު ދެ މީހުންނަކީ:
- ސ. ހިތަދޫ އަތިރީއާގެ، އަހުމަދު ސިވާތު (37 އަހަރު)
- ސ. ހިތަދޫ ޑިލައިޓްފޭސް، މުހައްމަދު ސާލިމް (37 އަހަރު)
ފުލުހުން ބުނީ، ރޭ ރަސްފަންނުގައި ތިބި ބިދޭސީންތަކަކަށް ވަޅިން ބިރުދައްކައި، ފައިސާ ނުދީފިނަމަ އެ މީހުންގެ އިނގިލިތައް ބުރިކޮށްލާނެ ކަމަށް އިންޒާރުދީފައިވެއެވެ. މީގެ އިތުރުން، އެތަނުން މީހެއްގެ ވޮލެޓުގައި ހުރި ފައިސާ ފޭރިގަނެފައިވާ ކަމަށްވެސް ފުލުހުން ބުނެފައިވެއެވެ.
މި މައްސަލައިގެ ތަހުގީގު ކުރިއަށްދާއިރު، ބިދޭސީ މީހާގެ އަތުން ފޭރުނު ފައިސާ ވަނީ އަނބުރާ ހޯދާފައެވެ. އަދި ރޭ ވަނީ ޗާންދަނީ މަގުންވެސް ބިދޭސީއެއްގެ އަތުން ފޯނެއް ފޭރުނު މީހެއްވެސް ހައްޔަރުކޮށްފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް