"ސީއެންއެމް"އަށް މައުލޫމާތު ދެމުން އެޗްޑިސީން ބުނީ ހުޅުމާލޭގައި ފޭސް 2 ގައި ގާއިމްކޮށްފައިވާ ކިއޮސްކްތަކުގެ ގުރުނެގުން ފަސްކޮށްފައިވާކަމަށާއި ދެން ގުރުނަގާނެ ތާރީހެއް އަދި އެ ކޯޕޮރޭޝަނުން ކަނޑައަޅާފައި ނުވާކަމަށެވެ.
މިއަދު ހެނދުނު ހުޅުމާލޭ ފޭސް 2 ގައި ގާއިމް ކޮށްފައިވާ ގާޑިއާތައް ލިބޭ ފަރާތްތައް ހޮވުމަށް ގުރުއަތުލުން ކުރިއަށް ދަނިކޮށް މައްސަލަ ހޫނުވެ އެފަރާތްތަކުގެ މެދުގައި ހަމަނުޖެހުމެއް އުފެދުނެވެ.
އެޗްޑީސީން ބުނީ، އެޗްޑީސީގެ ރިސެޕްޝަނަށް މިއަދު ކަސްޓަމަރުން އެއްވި ކަމަށާއި އެތަނުގައި ކަސްޓަމަރުންގެ ކަންބޮޑުވުމަކީ އެޗްޑިސީގެ ކިއޮސްކްތަށް ފޭސް 2 ގައި ދޫކުރިއިރު ޑިއު ޕޭމަންޓްއެއް އޮތުމުން އެމީހުންގެ އެޕްލިކޭޝަން ރިޖެކްޓްވުމާމެދު ހިތްހަމަ ނުޖެހުން ފާޅުކުރިކަމަށެވެ.
އެޗްޑީސީން މިހާރު ވަނީ އެފަރާތްތަކަށް ޑިއުޕޭމްނޓެއް އޮތިއްޔާ އެޕްލިކޭޝަން ކެންސަލް ވާނެކަން ބުނެ އެވާހަކަ ތަކުރާރުކޮށްފައިކަމަށް އެ ކޯޕޮރޭޝަނުން މައުލޫމާތު ދެއެވެ.
ހައުސިން ޑިވެލޮޕްމެންޓް ކޯޕޮރޭޝަން (އެޗްޑީސީ)ން އޭރި ބުނީ ޝައުގުވެރިވާ ފަރާތްތަކަށް ކުއްޔަށް ދޫކުރަން ހުޅުވާލާފައިވަނީ ހުޅުމާލޭ ދެވަނަ ފިޔަވަހީގައި ގާއިމްކޮށްފައިވާ 20 ކިއޮސްކް އަށް ކަމަށެވެ.
ކިއޮސްކްތައް ހިންގުމަށް ޝައުގުވެރިކަން ފާޅުކުރުމަށް އީއޯއައި ފޯމު ހުށަހެޅުން ކުރިއަށް ގެންދިޔައީ 3 މަރުހަލާއަކަށް ބަހާލެވިގެންކަމަށް އެޗްޑީސީން ބުނެ އެވެ. އެގޮތުން ފޯމު ވިއްކުން ކުރިއަށް ދިޔައީ މިދިޔަ މަހުގެ 25 ހުން ފެށިގެން މިމަހުގެ 5 ވަނަ ދުވަހާ ހަަމައަށެވެ.
