އެ ކޯޓުން އާއްމުކުރި ތަފާސް ހިސާބުތައް ދައްކާގޮތުން މިދިޔަ މަހު ވަރީގެ 188 މައްސަލައެއް ނިންމާފައިވާއިރު ނުނިމި ވަރީގެ 126 މައްސަލައެއް ކޯޓްގަައި އެބައޮތެވެ.
އޭގެތެރޭގައި ވަރިވުމަށް އެދި ހުށައެޅި 84 މައްސަލައަކާއި ވަރިކުރުމަށް އެދި ހުށައެޅި 21 މައްސަލައަކާއި ވަރި ސާބިތުކުރުމަށް ހުސައެޅި 18 މައްސަލަ ހިމެނެއެވެ. އަދި މީގެއިތުރުން ވަރިއާއި މެދު ޝައްކުވެގެން ހުށައެޅި މައްސަލަތަކުން 3 މައްސަަލައެއް ނުނިމި އޮތްކަމަށް ފެމެލީ ކޯޓުން ބުނެއެވެ.
ފެމެލީ ކޯޓުން ބުނީ މިދިޔަ މަހު އެކޯޓުން ޖުމްލަ 237 މައްސަލައެއް ނިންމާފައިވާކަމަށެވެ. އޭގެތެރޭގައި ވަރޫގެ މައްސަލަތައް ފިޔަވާ ދެން ހިމެނެނީ ކުދިންނާއި ގުޅުން ހުރި 51 މައްސަލައަކާއި ހަރަދު ދިނުމުގެ 23 މައްސަލައަކާއި ގެވެށި އަނިޔާއާ ގުޅޭ 14 މައްސަލައެކެވެ. މީގެތެރެއިން އާއިލީ މައްސަކަތކުގެ ގޮތުގައި ހުށައެޅު 34 މައްސަލައެއް ނިންމާފައިވާކަަމަށް ފެމެލީ ކޯޓްގެ ހިސާބުތަކުން ދައްކައެވެ.
ފެމެލީ ކޯޓްގެ މިދިޔަ މަހުގެ ތަފާސް ހިސާބުގެ ތެރެއިން
ކުޑަކުދިންނާއި ގުޅުންހުރި މައްސަލަތަކުގެ ތެރެއިން ނުނިމި ހުރި އަދަދުތައް
- ދަރިންނަށް ހަރަދުކުރުމުގެ 16 މައްސަލަ
- ކުއްޖާ އިހްތިޔާރު ކުރާ ފަަރާތްތެއް ކަނޑައެޅުން 15 މައްސަލަ
- ދަރިން ނުދެއްކުން 14 މައްސަލަ
ފެމެލީ ކޯޓުން ބުނީ ކުޑަކުދިންގެ ގާނޫނީ ބެލެނިވެރިކަން ފޮސްޓާކުރާ ފަރާތްތައް ބަދަލުކޮށްދިނުމަށް އެދި ހުށައަޅާފައިވާ ހަތަރު މައްސަލައެއް ކޯޓުން ބަލަމުން އަންނަކަމަށެވެ.
