މި މުބާރާތުގައި ވާދަކުރުމުގެ ފުރުސަތު ޕްރޮފެޝަނަލް އާޓިސްޓުންނާއި، ޑިޒައިނަރުންނާއި، އާކިޓެކްޓުންގެ އިތުރުން، ގުޅުންހުރި ދާއިރާތަކުގެ އުމުރުް 18 އަހަރު ފުރިފައިވާ ދަރިވަރުންނަށް ހުޅުވާލާފައިވާކަމަށެވެ. ވަކިވަކިން ވެސް ނުވަތަ ފަސް މެންބަރުންގެ އެކުލެވޭ ޓީމެއްގެ ގޮތުގައި ވެސް މި މުބާރާތުގައި ވާދަކުރެވޭނެކަމަށް އެޗްޑީސީން ބުނެއެވެ.
މި މުބާރާތުގެ އެއްވަނައަށް ދާ ޑިޒައިނަކަށް އިނާމެއްގެ ގޮތުގައި 100،000 ރުފިޔާ ލިބޭނެކަމަށް އެޗްޑީސީން ބުނެއެވެ.
އެޗްޑީސީން ބުނީ މި މުބާރާތަށް ޑިޒައިން ހުށައެޅުމުގެ އެންމެ ފަހުގެ މުއްދަތަކީ އޮކްޓޫބަރު މަހުގެ 30 ވަނަ ދުވަހެވެ. އަދި އެއްވަނަ އަށް ދާ ކުރެހުމެއް ނޮވެމްބަރު މަހުގެ 14 ވަނަ ދުވަހު އިއުލާންކުރާނެކަމަށްވެސް އެޗްޑީސީން ބުނެއެވެ. މި މުބާރާތުގައި 17 ބިނާގެ ތެރެއިން ކޮންމެ ބިނާއަކަށް ވެސް ތަފާތު ޑިޒައިން އެންޓްރީއެއް ގޮތުގައި ހުށައަޅަންޖެހޭކަމަށް އެޗްޑީސީން ބުނެއެވެ.
މި މުބާރާތުގައި ބައިވެރިވުމަށް [email protected] އަށް ބައިވެރިވާ ފަރާތުގެ ނަމާއި، ތަފުސީލު ތައާރަފަކާއި، ގުޅޭނެ ގޮތުގެ މައުލޫމާތުގެ އިތުރުން ހުށަހަޅާ ތަކެތީގެ ގޫގަލް ޑްރައިވް ލިންކު މެއިލްކުރަން ޖެހޭނެކަމަށް އެޗްޑީސީން ބުނެއެވެ.
