ތަމްރީނު ޕްރޮގްރާމްތަކުގައި ނުކުޅެދުންތެރިކަން ހުންނަ މީހުންކަށް ފުރުސަތު ފަހިކޮށްދިނުމަށް "ނެޝަނަލް ކޮންޕިޓެންސީ ސްޓޭންޑާޑްސް"އަށް ގެނައުން މުހިއްމު ބަދަލުތަކާއި ގުޅޭގޮތުން މަޝްވަރާކޮށްފައިވާކަމަށް ހަޔާ އެޑިއުކޭޝަން މިނިސްޓްރީން ބުނެއެވެ.
ނުކުޅެދުންތެރިކަން ހުންނަ މީހުންގެ އިތުރުން އަނަހެނުން ބާރުވެރިކުރުމަށްވެސް "ނެޝަނަލް ކޮންޕިޓެންސީ ސްޓޭންޑާޑްސް" އަށް ގެނައުން މުހިއްމު ބަދަލުތަކާއި ގުޅޭގޮތުން މަޝްވަރާކޮށްފައިވާކަމަށް ހަޔާ އެޑިއުކޭޝަން މިނިސްޓްރީން ބުނެއެވެ.
ވަޒީފާގެ ފުރުސަތުތައް ފަހިކުރުމަށްޓަކައި "އެންމެނަށް ވަޒީފާ" ސިޔާސަތެއް ކަނޑައަޅުއްވާ އަމަލުކުރުމަކީ ރައީސް ޑރ.މުއިއްޒުގެ ވައުދުފުޅުތެރޭގައި ހިމެނިފައިވާކަމެކެވެ.
"ނެޝަނަލް ކޮންޕިޓެންސީ ސްޓޭންޑާޑްސް" އަކީ ތަމްރީނު ޕްރޮގްރާމެއް ފުރިހަމަކުރާ ދަރިވަރުންގެ ކިބާގައި، އެ ދަރިވަރަކު ތަމްރީނުވި ދާއިރާގައި މަސައްކަތްކުރުމަށް އެކަށީގެންވާ ހުނަރާއި ގާބިލްކަންހުރިކަން ކަށަވަރުކޮށް، ފެންވަރު ބަލައި ވަޒަންކުރުމުގައި އިސްކަންދޭންޖެހޭ ކަންތައްތަކެކެވެ.
އަންގާރަ ދުވަހު ބޭއްވި މި ބައްދަލުވުމުގައި، ނެޝެނަލް އެޕްރެންޓެސްޝިޕް ޕްރޮގްރާމްތަކާއި ނެޝަނަލް ޓްރޭޑް ޓެސްޓިންސެޓްފިކޭޝަން މެދުވެރިކޮށްރާއްޖޭގެ އެކި ދާއިރާތަކަށް ބޭނުންވާ ޒުވާނުން ތަމްރީނުކުރުމާއި، "ނެޝަނަލް ކޮންޕިޓެންސީ ސްޓޭންޑާޑްސް"އަށް ގެނައުން މުހިއްމު ބަދަލުތަށް ގެނައުމާއި، އަންހެންނުންގެ ތަރައްގީއާއި ނުކުޅެދުންތެރިކަން ހުންނަ މީހުންނަށް ތަމްރީނުގެ ފުރުސަތު ފަހިކޮށްދިނުމާއި ގުޅޭގޮތުން މަޝްވަރާކޮށްފައިވާކަމަށް ހަޔާ އެޑިއުކޭޝަން މިނިސްޓްރީން ބުނެއެވެ.
މި ބައްދަލުވުމުގައި، މޯލްޑިވިސް ނެޝަނަލް ސްކިލްސް ޑިވެލޮޕްމަންޓް އޮތޯރިޓީ (އެމްއެންއެސްޑީއޭ)ގެ ސީއީއޯ، ޑރ. ޒަހްރާ މުހައްމަދުގެ އިތުރުން އެ އިދާރާގެ ބައެއް އިސްބޭފުޅުން މި ބައްދަލުވުމުގައި ބައިވެރިވެވަޑައިގަންނަވާފައިވާކަމަށް މިނިސްޓްރީން ބުނެއެވެ. އަދި ސޯޝަލް އެންޑް ފެމެލީ ޑިވެލޮޕްމަންޓް މިނިސްޓްރީގެ ފަރާތުން އެ އިދާރާގެ ބައެއް އިސްބޭފުޅުން ވެސް ވަނީ މި ބައްދަލުވުމުގައި ބައިވެރިވެފައިކަމަށް ހަޔާ އެޑިއުކޭޝަން މިނިސްޓްރީން ފާހަގަކުރެއެވެ.
