ޓްއަރިޒަމްގެ ތަފާސް ހިސާބުތައް ދައްކާގޮތިން މިހާތަނަށް ރާއްޖެއައި ފަތުރުވެރިންގެ އަދަދު ވަނީ 1,463,507 އަރާފައެވެ. މީ މދިޔަ އަހަރުގެ މި މުއްދަތާއި އަޅާ ބަލާއިރު 9.9 އިންސައްތަ ކުރިއެރުމެކެވެ، އެހެންނަމަވެސް 2022 ވަނަ އަހަރު މުއްދަތުގެ ތެރޭގައި 1,168,084 ފަތުރުވެރިން ރާއްޖެ ޒިޔާރަތްކުރިއެވެ.
ޓްއަރިޒަމް މިނިސްޓްރީން އާއްމުކޮށްފައިވާ ހިސާބުތައް ދައްކާގޮތުން މީހާރު އެވެރެޖްކޮށް ދުވާލަކު ރާއްޖެއަށް 5461 ފަތުރުވެރިން އާދެއެވެ. އަދި އެމީހުން އެވެރެޖްކޮށްް ރާއްްޖޭގައި ހަފްތާއެއް ހޭދަކުރެއެވެ.
ސަރުކާރުގެ އަމާޒަކީ ރާއްޖެއަށް މިއަހަރު ދެ މިލިއަން ފަތުރުވެރިން ގެނައުމެވެ.
ހިސާބުތައް ދައްކާގޮތުން އެންމެ ގިނަ ފަތުރުވެރިން އައި ގައުމެއްގެ ގޮތުގައި އަދިވެސް އޮތީ ޗައިނާއެވެ. އެ ގައުމުން މިއަހަރުގެ މިހާތަނަށް 214,102 ފަތުރުވެރިންވަނީ ރާއްޖެ ޒިޔާރަތް ކޮށްފައެވެ. ދެވަނައަށް އެންމެ ގިނަ ފަތުރުވެރިން އައި ރަޝިޔާއިން ވަނީ އަހަރުގެ މިހާތަނަށް 159,129 ފަތުރުވެރިން ރާއްޖެ އައިސްފައެވެ.
ޓޫރިޒަމް މިނިސްޓްރީގެ އެންމެ ފަހުގެ ތަފާސްހިސާބުތަކުން ދައްކާ ގޮތުގައި، ރާއްޖޭގެ ޓޫރިޒަމް ދާއިރާގައި ފަތުރުވެރިންނަށް ހިދުމަތް ދިނުމަށް ހުރި ޖުމްލަ އެނދުގެ އަދަދު ވަނީ 62,814 އަށް އަރާފައެވެ.
މިއަހަރުގެ ޖެނުއަރީ މަހު ނިމުނުއިރު 13,657 ގެސްޓްހައުސް އެނދު ހުރިއިރު، މިހާރު އެ އަދަދު ވަނީ 14,903 އަށް އިތުރުވެފައެވެ. މިއީ 1,246 އެނދުގެ އިތުރުވުމެކެވެ.
ނަމަވެސް، ރިސޯޓުތަކުގެ އެނދުގެ އަދަދަށް ކުޑަ ދަށްވުމެއް އައިސްފައިވެއެވެ. އަހަރު ފެށުނުއިރު 176 ރިސޯޓުގައި 43,279 އެނދު ހުރިއިރު، އޮފް ސީޒަނަށް ބައެއް ރިސޯޓުތައް ބަންދުކުރުމާ ގުޅިގެން މިހާރު އެ އަދަދު ވަނީ 174 އަށް މަދުވެފައެވެ.
ގެސްޓްހައުސް ވިޔަފާރި އެންމެ ފުޅާވަމުން އަންނަނީ އއ. ތޮއްޑޫގައި ކަމަށް ތަފާސްހިސާބުތަކުން ދައްކައެވެ. އަދި ގެސްޓްހައުސް އެނދުގެ ގޮތުން މިވަގުތު މާފުށި އެންމެ ކުރީގައި އޮތްކަމަށްވެސް ފާހަގަކުރެވެއެވެ.
