ދިރާގުން އާންމުކުރި މާލީ ހިސާބުތަކުން ދައްކާގޮތުގައި، ފުރަތަމަ ކުއާޓަރުގައި 698.5 މިލިއަން ރުފިޔާ އަދި ދެވަނަ ކުއާޓަރުގައި 687.2 މިލިއަން ރުފިޔާ ލިބިފައިވެއެވެ. މިއާއެކު، ދެ ކުއާޓަރުގެ ޖުމްލަ އާމްދަނީގެ ގޮތުގައި 1,385 މިލިއަން ރުފިޔާ ލިބިފައިވާކަން ފާހަގަކުރެވެއެވެ.
ދިރާގުގެ އާމްދަނީގެ ތަފްސީލަށް ބަލާއިރު:
- މޯބައިލް ހިދުމަތްތަކުން 735.7 މިލިއަން ރުފިޔާ
- ފިކްސްޑް ބްރޯޑްބޭންޑް އަދި ވިޔަފާރީގެ ޚިދުމަތްތަކުން 607 މިލިއަން ރުފިޔާ
- އެހެނިހެން ހިދުމަތްތަކުން 42.2 މިލިއަން ރުފިޔާ ލިބިފައިވެއެވެ.
މީގެއިތުރުން، ލިބުނު އާމްދަނީގެ ތެރެއިން ޓެކުހުގެ ގޮތުގައި 73.5 މިލިއަން ރުފިޔާ (ޖުމްލަ އާމްދަނީގެ 6%) ދައުލަތަށް ދައްކާފައިވާކަން ފާހަގަކުރެވެއެވެ.
ދިރާގުގެ ފައިދާއަށް ބަލާއިރު، ފުރަތަމަ ކުއާޓަރުގައި 218.1 މިލިއަން ރުފިޔާ އަދި ދެވަނަ ކުއާޓަރުގައި 240.4 މިލިއަން ރުފިޔާ ލިބިފައިވެއެވެ. މިއާއެކު، ޖުމްލަ 458.5 މިލިއަން ރުފިޔާގެ ފައިދާ ލިބިފައިވާކަން ފާހަގަކުރެވެއެވެ.
މި ހިސާބުތަކުން ދައްކާގޮތުގައި، ދިރާގުގެ ވިޔަފާރި ހަރުދަނާކަމާއެކު ކުރިއަށްދާކަން ފާހަގަކުރެވެއެވެ.
