މި ރިސޯޓަކީ "ހަޔަޓް ރީޖެންސީ ސަމަރަފުށި މޯލްޑިވްސް" ގެ ނަމުގައި ހުޅުވުމަށް ހަމަޖެހިފައިވާ އޯލް-ވިލާ ރިސޯޓެކެވެ.
ދެހާސް ހަތާވިސް ވަނަ އަހަރު ގެ ފަހުކޮޅު ހުޅުވުމަށް ހަމަޖެހިފައިވާ މި ރިސޯޓަކީ ހަޔަޓް ރީޖެންސީ ބްރޭންޑްގެ ދަށުން ރާއްޖޭގައި ހުޅުވޭ ތިން ވަނަ ރިސޯޓެވެ. މިހާރު ވެސް ހަޔަޓް އިން ރާއްޖޭގައި ހިންގަމުންދާ "ޕާކް ހަޔަޓް މޯލްޑިވްސް ހަދަހާ" އަދި "އަލީލާ ކޮތައިފަރު މޯލްޑިވްސް" އެވެ.
އުތުރު މާލެ އަތޮޅުގައި ގާއިމުކުރެވޭ މި ރިސޯޓަކީ ވެލާނާ އިންޓަނޭޝަނަލް އެއާޕޯޓާ ކައިރި، އަދި ސްޕީޑްބޯޓުން އެންމެ 25 މިނެޓުގެ ދަތުރެއްގައި ވާސިލުވެވޭނެ ރިސޯޓެކެވެ. މި ސަރަޙައްދަކީ ޑައިވިން އަދި ސްނޯކެލިން އަށް މަޝްހޫރު، އަދި ޕާސްޓާ ޕޮއިންޓް އަދި ސުލްޓާންސް ފަދަ ވޯލްޑް-ކްލާސް ސާފިން ސްޕޮޓްތަކާ ކައިރި ސަރަޙައްދެކެވެ.
ސައުވީސް އޭކަރުގެ ބިމެއްގައި ތަރައްގީކުރެވޭ މި ރިސޯޓުގައި ހުންނާނީ 130 ލަގްޒަރީ ވިލާއެވެ. މީގެ ތެރޭގައި ބީޗްފްރަންޓް، ޓްރީޓޮޕް އަދި އޯވާވޯޓާ ވިލާތައް ހިމެނެއެވެ. ކޮންމެ ވިލާއެއްގައި ވެސް ޕްރައިވެޓް ޕޫލެއް ހުންނާނެއެވެ. ޕާކް ޕުލަސް އެސޯސިއޭޓްސްއިން ޑިޒައިންކުރާ މި ރިސޯޓުގައި ދިވެހި ޢިމާރާތްކުރުމުގެ ވައްޓަފާޅިއާއި މޮޑަން، ލައިޓް އަދި ނެޗުރަލް ކުލަތައް އެއްކޮށްލެވިފައިވާނެއެވެ.
މީގެ އިތުރުން، މި ރިސޯޓުގައި ސަންސެޓް ބާރެއް، ބީޗް ކްލަބެއް، ޖަޕަނީޒް ސްޕެޝަލިޓީ ރެސްޓޯރަންޓެއް އަދި އޯލް-ޑޭ ޑައިނިން ވެނިއުއެއް ހުންނާނެއެވެ. އަދި ވޯލްޑް އޮފް ހަޔަޓް ގްލޯބަލިސްޓުންނާއި ކްލަބް އެކްސެސް ލިބިފައިވާ މެހުމާނުންނަށް ރީޖެންސީ ކްލަބް ލައުންޖްގެ ހާއްސަ ހިދުމަތްތައް ލިބޭނެއެވެ.
ހުރިހާ އުމުރުފުރައެއްގެ މެހުމާނުންނަށް އަމާޒުކޮށް، މި ރިސޯޓުގައި ކިޑްސް ކްލަބެއް، މެރިން އެންޑް ޑައިވިން ސެންޓަރެއް، ފިޓްނެސް ޕެވިލިއަނެއް، ޔޯގާ ޑެކެއް އަދި 8 ޓްރީޓްމަންޓް ރޫމް ހިމެނޭ ލަގްޒަރީ ސްޕާއެއް ވެސް ހުންނާނެއެވެ.
