ހުުކުރު ހުތުބާ:-
ވަޒީފާތަކާއި މަސްއޫލިއްޔަތުތަކަކީ އަމާނާތެއް: ހުތުބާ
ގުފްތަގް އަޖީރު
27 ސެޕްޓެމްބަރ 2024 - 13:34:51
މިއަދު ރާއްޖޭގައި އިއްވި ހުކުރު ހުތުބާގައި، ވަޒީފާތަކާއި މަސްއޫލިއްޔަތުތަކަކީ އަމާނާތެއްކަމަށް ބުނެފިއެވެ.
Advertisement
"ޒިއްމާދާރުވުމާއި މަސްއޫލިއްޔަތު އުފުލުން" މި މައުޟޫއަށް ހާއްސަކޮށްގެން އިއްވި ހުތުބާގައި، ކޮންމެ މީހަކު ވެސް އަދާކުރާ ވަޒީފާތަކާއި މަސްއޫލިއްޔަތުތަކަކީ އަމާނާތެއްކަމަށް ފާހަގަކޮށްފައިވެއެވެ.
ހުތުބާގައި އިތުރަށް ބުނެފައިވަނީ:
- ވަޒީފާ އަދާކުރުމުގައި ތެދުވެރިވެ، އިޚްލާޞްތެރިވާން ޖެހޭކަން
- ކަންކަން ކުރުމުގައި ރައްޔިތުންގެ ޙައްޤުތަކަށާއި ޤައުމީ މަޞްލަޙަތަށް އިސްކަންދޭން ޖެހޭކަން
- އަމިއްލަ މަޞްލަޙަތު އިސްކުރުމަކީ، ތިމާ އަދާކުރާން ޖެހޭ މަސްއޫލިއްޔަތަށް އުނިކަން އަންނަ ކަމެއްކަން
- ފުރިހަމަ މުސްލިމުންނަކީ ތިމާގެ އަމިއްލަ ފައިދާއާއި މަޞްލަޙަތަށް ވުރެ ބޮޑަށް، އަނެކުންގެ މަޞްލަޙަތަށް އިސްކަންދޭ މީހުންކަން
މީގެއިތުރުން، ގައުމުގެ ވަހއދަތާއި ސިޔާދަތު ދެމެހެއްޓުމަކީ އެންމެންގެ މަސްއޫލިއްޔަތަކާއި ވާޖިބެއްކަމަށް ހުތުބާގައި ބުނެފައިވެއެވެ. އަދި މިކަން ދެމެހެއްޓޭނީ މުޖުތަމަޢުގެ ކޮންމެ ފަރުދަކުމެ އެމީހެއްގެ ޒިއްމާތަކާއި މަސްއޫލިއްޔަތުތައް އަދާކޮށްގެންކަމަށް ފާހަގަކޮށްފައިވެއެވެ.
ހުތުބާގައި ހަނދާންކޮށްދީފައިވަނީ، ކޮންމެ މީހަކާ ޙަވާލުވެފައިވާ މަސްއޫލިއްތު އަދާކުރީ ކިހިނެއްތޯ ގިޔާމަތް ދުވަހުން ސުވާލުކުރެވޭނެކަމެވެ. އެހެންކަމުން، މަސްއޫލިއްޔަތު އަދާކުރުމުގައި އިހުމާލުނުވުމަށް ހުތުބާގައި އިލްތިމާސްކޮށްފައިވެއެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
