Advertisement

އިމިގްރޭޝަނުން ބުނީ ‏ޝަހުސު އޮޅުވާލައިގެން ވެލާނާ އިންޓަރނޭޝަނަލް އެއަރޕޯޓުން ރާއްޖެ އެތެރެވާން އުޅުނު 03 ބިދޭސީއަކު ވަނީ ހުއްޓުވާފައިވާކަމަށެވެ. 

އަތުލައިގެންފައި ވަނީ އުމުރުން 21 އަހަރުގެ މީހަކާއި 23 އަހަރުގެ މީހަކާއި 25 އަހަރުގެ މީހެކެވެ. 

ޝަހުސު އޮޅުވާލައިގެން ރާއްޖެ އެތެރެވާން މަސައްކަތްކުރާ މައްސަލަތައް ގިނަވުމާއި ގުޅިގެން ކަސްޓަމްސްއާއި، އިމިގްރޭޝަނާއި މިނިސްޓްރީ އޮފް ސައިންސް ކޮމިއުނިކޭޝަން އެންޑް ޓެކްނޮލޮޖީ ގުޅިގެން ވަނީ ރާއްޖޭގެ ބޯޑަރު ކޮންޓްރޯލް ސިސްޓަމް ވަރުގަދަކޮށްފައެވެ.

އެހެންކަމުން މިހާރު ފިންގަ ޕްރިންޓާއި، ސެކިއުރިޓީ ސޮފްޓްވެއަގެ އިތުރުން ކެމެރާވެސް ފަހުގެ ސޮފްޓްވެއަތަކަށް ވަނީ އިތުރުކޮށްފައެވެ. އެއާއެކު ކުރިއަށްވުރެ ބޮޑަށް ގަވާއިދާ ހިލާފަށް ރާއްޖެ އެތެރެވާން އުޅޭ ފަރާތްތައް އިމިގްރޭޝަންއަށް ދެނެގަނެވޭނެއެވެ.