Advertisement

ޗައިނާގައި އަންނަ އަހަރު ބާއްވާ 20 އަހަރުން ދަށުގެ އޭޝިއަން ކަޕަށް ކޮލިފައިވުމަށް ކުޅޭ ކޮލިފައިން ގްރޫޕް އެފްގައި ރާއްޖެ މިއަދު ބަލިވީ ޔަމަން އަތުންނެވެ. 

ޔަމަން އަތުން ރާއްޖެ ބަލިވީ ތިން ލަނޑު ސުން ލަނޑުންނެވެ. ޔަމަނުން ވަނީ ފުރަތަމަ މެޗުގައި ޓިމޯ ލެސްޓޭ އަތުންވެސް މޮޅުވެފަ އެވެ. ދެ ވަނަ މެޗުން ރާއްޖެ ބަލިކޮށް ޔަމަނުން އެއް ވަނައިގައި އޮތީ ހަ ޕޮއިންޓް ހޯދައިގެންނެވެ. ރާއްޖެ އަތުން ފުރަތަމަ މެޗުގައި 4-0 އިން މޮޅުވި އިންޑޮނޭޝިއާ ދެ ވަނައިގައި އޮތީ ތިން ޕޮއިންޓް ހޯދައިގެންނެވެ.

ކޮލިފައިން މެޗުތައް ހޯސްޓްކުރާ، އިންޑޮނޭޝިއާ އިން ދެ ވަނަ މެޗުގައި، މިރޭ ކުޅޭނީ ތިން ވަނައިގައި އޮތް ޓިމޯ ލެސްޓޭއާ އެވެ. ދެ މެޗުން ބަލިވެ، ހަތަރެއްގައި އޮތް ރާއްޖެ އަށް އަދި ޕޮއިންޓެއް ނުލިބެ އެވެ. ރާއްޖެއަށް އަދި ލަނޑެއްވެސް ނުޖެހެއެވެ.