މިކަން އެމަނިކުފާނު ފާހަގަކުރެއްވީ ޕީއެންއެފްއިން ބޭއްވި ޖަލްސާއެއްގައެވެ.
ޕީއެންއެފްއިން ބޭއްވި ޖަލްސާއެއްގައި ޔާމީން ވިދާޅުވި ގޮތުގައި ބީއެމްއެލްއިން ސަރުކާރަށް ބޮޑެތި އަދަދުތަކުން ފައިސާ ދޫކުރަމުންދަނީ ބޭންކުގެ ރިސްކް އެސެސްމެންޓް ޑިޕާޓްމަންޓުގެ ލަފާއާ ހިލާފަށެވެ. މީގެ ސަބަބުން ބޭންކަށް ބޮޑު ރިސްކެއް ކުރިމަތިވެފައިވާ ކަމަށް އެމަނިކުފާނު ވިދާޅުވިއެވެ.
ޔާމިން ވިދާޅުވި ގޮތުގައި ބޭންކުގެ ބޯޑުގައި މިހާރު ތިބީ ސިޔާސީ ބައެއް ކަމަށާއި، އެހެންކަމުން ބޯޑުން ނިންމުންތައް ނިންމަނީ ސިޔާސީ ބޭނުންތަކަށް ކަމަށެވެ. މިއީ ބޭންކެއްގެ ބޯޑަކުން ކަންތައް ކުރަންވާނެ ގޮތް ނޫން ކަމަށްވެސް ޔާމީން ފާހަގަކުރެއްވިއެވެ.
ބީއެމްއެލްއިން ސަރުކާރަށް ދޫކޮށްފައިވާ ބޮޑެތި ލޯނުތަކުގެ ސަބަބުން ރައްޔިތުންނަށް ލޯނު ދޫކުރުމަށް ހުރަސްއެޅި، ބޭންކަށް އިތުރު އާމްދަނީ ހޯދުމަށް ދަތިވާނެ ކަމަށްވެސް އެމަނިކުފާނު ވިދާޅުވިއެވެ. އަދި ސަރުކާރުން ލޯނު އަނބުރާ ނުދައްކައިފިނަމަ، އެ ފައިސާ ހޯދުމަށް ބޭންކަށް ދައުވާކުރުމުގެ ފުރުސަތު ނޯންނާނެ ކަމަށް ވެސް ފާހަގަކުރެއްވިއެވެ.
މި ކަމާއި ގުޅިގެން ބީއެމްއެލްގެ ބުނެފައިވަނީ ކޮމެންޓެއް ނެތްކަމަށެވެ.
