ފުލުހުން މިއަދު އާއްމުކުރި ތަފާސް ހިސާބުތައް ދައްކާގޮތުން ޖެނުއަރީ އެކަކުން އޮގަސްޓް 31ގެ ނިޔަލަށް ޑްރާގާ ގުޅޭ 113 އޮޕަރޭޝަނެއް ވަނީ ހިންގާފައެވެ. މި އޮޕަރޭޝަންތަކުގައި އަތުލަައިގެން ޑްރަގުގެ ބަރުދަން 158 ކިލޯއަށް އަރާކަމަށްް ފުލުހުން ބުނެއެވެ.
ފުލުހުން ބުނީ މިދިޔަ އަށް މަހުގެ ތެރޭގައި އަތުލައިގެން ޑުރަގުގެ މަގުމަތީ އަގު 282،273،651.52 މިލިއަން ރުފިޔާއަށް އަރާކަމަށެެވެ. ޑްރަގު އަތުލައިގަތުމަށް ހިންގި އޮޕަރޭޝަންތަކުގައި 80 ބިދޭސީއަކު އަތުލައިގެންފައިވާކަމަށްވެސް ފުލުހުން ބުނެއެވެ. އަދި މި މީހުން މިހާރު އިމިގްރޭޝަނާއި ހަވާލުކޮށްފައިވާކަމަށްވެސް ފުލުހުން ބުނެއެވެ.
ޑުރަގް އޮޕަރޭޝަންތަކުގައި ފުލުހުންގެ ހިސާބުތައް
- ހައްޔަރު ކުރެވުނު މީހުން - 712
- ބަލާ ފާސްކުރެވުނު މީހުން - 8،554
- އިމިގްރޭޝަނާއި ހަވާލުކުރި ބިދޭސީން - 80
- ހިންގުނު އޮޕަރޭޝަން - 113
- އަތުލައިގަނެވުނު މަސްތުވާތަކެތީގެ ބަރުދަން - 158.8467 ކިލޯ
- އަތުލެވުނު ބަނގުރާ - 5،252 ފުޅި
- އަތުލައިގަނެވުނު ތަކެތީގެ މަގުމަތީ އަގު - 282،273،651.52 ރުފިޔާ
ފުލުހުން ބުނީ މިދިޔަ އަށް މަހުގެ ތެރޭގައި މަސްތުވާތަކެއްޗާއި ގުޅުން ހުރި 475 މައްސަލައެއް އެ އިދާރާއަށް ހުށައެޅިފައިވާކަމަށެވެ. އަދި 230 މައްސަލައެއްގައި ދަައުވާކުރަން ޕީޖީ އޮފީހަށް ފޮނުވާފައިވާކަމަށްވެސް ފުލުހުން ބުނެއެވެ.
