ފުލުހުން ބުނީ ވަގަށް ނަގާފައިވަނީ ދަބަހެއް ކަމަށާއި މޭރީ ބްރައުން އާ ދިމާލުން ބޮޑު ތަކުރުފާނު ބުރު މަތީގައި ޗައިނާގެ ދެ ފަތުރުވެރިންގެ ދަބަސް ހަދާން ނެތި ބާއްވާފައިވަނިކޮށް އެތަކެތި ގެއްލިފައިވާކަމަށް ރިޕޯޓްކޮށްފައިވާކަމަށެވެ.
މިމައްސަލައާ ގުޅިގެން ފުލުހުން ހައްޔަރުކޮށްފައިވަނީ ތިނަދޫއަށް ނިސްބަތްވާ އުމުރުން 41 އަހަރު މީހެއްކަމަށް އެއިދާރާއިން ބުނެއެވެ.
އެ ތަކެތި ގެއްލިގެން ފުލުހުންނަށް ރިޕޯޓް ކޮށްފައިވަނީ ރޭ 19:20 ހާއިރުކަމަށް ފުލުހުން ބުނެއެވެ.
އެ މައްސަލައާ ގުޅިގެން ދަބަސް ހޯދުމަށް ގަލޮޅު ޕޮލިސްގެ ފުލުހުން ކުރި މަސައްކަތުން ރޭ 10:15 ހާއިރު ދަބަސް ހޯދައި ވެރި ފަރާތާ ހަވާލުކޮށްފައިވާކަމަށް ފުލުހުން މައުލޫމާތުދެއެވެ.
ދަބަހުގައި ހުރި ތަކެތިި ހޯދާފައިވަނި ވިއްކާފައި ވަނިކޮށް ކަމަށާއިި އެ ދަބަހުގައި ހުރި ތަކެތީގެ ތެރޭގައި ލެޕްޓޮޕް، ހާޑްޑްރައިވް، ޕަވާ ބޭންކް، ޕާސްޕޯޓް، އަންނައުނު ފަދަ ތަކެތި ހިމެނޭކަމަށް ފުލުހުން ބުނެއެވެ.
ފުލުހުންގެ ތަފާސް ހިސާބަށް ބަލާއިރު މިއަހަރުގެ މިހާތަަނަށް ވައްކަމުގެ 2738 މައްސަލަ ވަނީ ރިޕޯޓްކޮށްފައެވެ.
