އައްޑޫ ސިޓީ
ޕްލާންޓް ހުއްޓިއްޖެ، އައްޑޫސިޓީން ފެން ހުސްވެދާނެ: ފެނަކަ
މުހައްމަދު އާދަމް އަހްމަދު
30 ސެޕްޓެމްބަރ 2024 - 11:30:03
އައްޑޫ ސިޓީ ފެން ޕްލާންޓް ހުއްޓި އެ ސިޓީން ފެނުގެ ހިދުމަތް ކެނޑިޖެއެވެ.
Advertisement
ފެނަކައިން ބުނީ އައްޑޫ ސިޓީގެ ގުޅިފައިވާ ރަށްތަކަށް ފެން އުފައްދާ އާރުއޯ ޕްލާންޓުގެ ބޯރހޯލް ޕަންޕަށް ދިމާވި މައްސަލައަކާ ގުޅިގެން ޕްލާންޓް ވަނީ ހުއްޓިފައިވާކަމަށެވެ.
މައްސަލަ ޙައްލުކޮށް ޕްލާންޓް އޮޕަރޭޝަނަށް ގެނައުމުގެ މަސައްކަތް ދަނީ ކުރަމުންދާކަމަށް ފެނަކައިން ބުނެއެވެ. އެހެންނަމަވެސް ފެން ހުސްވެދާނެކަމުގެ ބިރު އޮތްކަމަށް ފެނަކައިން ވަނީ ބުނެފައެވެ.
" މައްސަލަ ހައްލު ވަންދެން ފެން އުފެއްދުން ހުއްޓިފައިވާތީ، އައްޑޫ ސިޓީގެ ގުޅިފައިވާ ރަށްތަކަށް ފޯރުކޮށްދޭ ފެން ހުސްވެ، ހިދުމަތް މެދުކެނޑުމަކީ އެކަށީގެންވާ ކަމެއް." ފެނަކައިން ބުނެއެވެ.
މައްސަލަ ހައްލުވީހާ އަވަހަކަށް ކަސްޓަމަރުންނާ އެ މައުލޫމާތު ހިއްސާކުރާކަމަށާއި ފެނުގެ ހިދުމަތް މެދުކެނޑިގެން ދިމާވެދާނެ ދަތިތަކަކަށްޓަކާ، ނިހާޔަތަށް މަޢާފަށް އެދޭކަމަށް ފެނަކައިން ބުނެއެވެ.
ފެނަކައިން އައްޑޫ ސިޓީއަށް ދެމުންގެންދާ ކަރަންޓްގެ ހިދުމަތާއި ފެނުގެ ހިދުމަތް ދޭތެރެ ދޭތެރެއިން އަންނަނީ ކެނޑެމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
