މި އެއްބަސްވުމުގައި ސޮއިކޮށްފައިވަނީ އިކޮނޮމިކް މިނިސްޓަރު މުހައްމަދު ސައީދު މިހާރު ސައުދީއަށް ކުރއްވަމުން ގެންދަވާ ރަސްމީ ދަތުރުފުޅުގެ ތެރެއިންނެވެ. އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ މިނިސްޓަރު ސައީދުއެވެ. ސައުދީގެ ފަރާތުން ސޮއިކުރެއްވ އެ ގައުމުގެ މިނިސްޓަރު އޮފް ކޮމާސް، މަޖީދު ބިން އަބްދުالله ބިން އުސްމާން އަލްޤަސާބީއެވެ.
އެއްބަސްވުމުގައި ސޮއިކުރެއްވުމަށް ފަހު ސައުދީގެ ކޮމާސް މިނިސްޓަރު އަލްޤަސާބީ އެކްސްގައި ކުރެއްވި ޕޯސްޓެއްފައި ވިދާޅުވީ ރާއްޖޭގެ އިކޮނޮމިކް މިނިސްޓަރު ސައީދާއި އެކު ބޭއްވި ބައްދަލުވުމުގައި ދެ ގައުމުގެ ދެމެދުގައި އޮތް އިގްތިސާދީ ގުޅުން އިތުރަށް ބަދަހިކުރުމާ ބެހޭގޮތުން މަސްވަރާކުރެއްވިކަމަށެވެ. އަދި ދެ ގައުމުގެ ދެމެދުގައި ޖޮއިންޓް ކޯޕަރޭޝަން އަދި ވިޔަފާރީގެ ފުރުސަތުތައް ބަދަލުކުރުމުގެ އެއްބަސްވުމެއްގައި ސޮއިކުރެއްވިކަމަށެވެ.
މިނިސްޓަރު ސައީދު ސައުދީއަށް ކުރައްވާ ދަތުރުފުޅުގައި އެގައުމުގެ އިންވެސްޓްމަންޓް މިނިސްޓްރީގެ އެސިސްޓެންޓް މިނިސްޓަރު އިބްރާހީމް އަލްމުބަރަކާވެސް ވަނީ ބައްދަލުކުރައްވާފައެވެ. މި ބައްދަލުވުމުގައިވެސް ދެ ގައުމުގެ ގުޅުން އިތުރަށް ބަދަހިކުރުމަށް މަޝްވަރާކުރެއްވިކަމަށް ސައީދު ވިދާޅުވިއެވެ.
