މި އޮކްޓޯބަރު މަހުގެ 3 ވަނަ ދުވަހު ޕެނަމާގައި ރަޖިސްޓްރީ ކޮށްފައިވާ އޮއިލް ޕްރޮޑަކްޓްސް ޓޭންކަރެއް އިހަވަން ދިއްޕޮޅަށް އައުމަށް ހަމަޖެހިފައިވާކަމަށް މޯލްޑިވްސް ޕޯޓްސް ލިމިޓެގެ މެނޭޖިންޑިރެކްޓަރު މުހައްމަދު ވަޖީހު ވަނީ ވިދާޅުވެފައެވެ.
މި ބޯޓަށް ފޯރުކޮށްދޭން ހަމަޖެހިފައިވާ ހިދުމަތްތަކުގެ ތެރޭގައި ޕައިލެޓޭޖް، ފްރެޝް ވޯޓާ ބަންކަރިން، ކްރޫ ޗޭންޖް، ކާބޯތަކެތި އަދި ސްޕެއަ ޕާޓްސް ސަޕްލައި ކުރުން ހިމެނެއެވެ. މީގެ އިތުރުން، ބޯޓުގެ ބައެއް މެއިންޓެނަންސް މަސައްކަތްތައް ކުރުމަށްޓަކައި 5 ދުވަހު އިހަވަން ދިއްޕޮޅުގައި މަޑުކުރުމަށް ވެސް ވަނީ ހަމަޖެހިފައެވެ.
މި ހިދުމަތްތައް ފޯރުކޮށްދިނުމަށް މޯލްޑިވްސް ޕޯޓްސް ލިމިޓެޑުގެ އިތުރުން އަމިއްލަ ކުންފުނިތަކުގެ ބައިވެރިވުން ވެސް އޮންނާނެއެވެ. މިކަމުގެ ސަބަބުން އުތުރުގެ ރައްޔިތުންނަށް އާމްދަނީގެ އައު ފުރުސަތުތަކެއް ހުޅުވިގެންދާނެއެވެ. އަދި ރާއްޖޭގެ މެރިޓައިމް ދާއިރާ ކުރިއެރުވުމަށް މުހިންމު ފިޔަވަޅެއް އެޅިގެންދާނެކަމަށް ވެސް ލަފާކުރެވެއެވެ.
މި ޚިދުމަތްތަކާ ބެހޭ މަޢުލޫމާތު ހޯދުމަށް ums.mv ވެބްސައިޓް އަދި 24 ގަޑިއިރު ހިދުމަތްދޭ ކޯލް ސެންޓަރެއް ވަނީ ގާއިމްކޮށްފައެވެ. މިއީ ބައިނަލްއަގްވާމީ މިންގަނޑުތަކާ އެއްގޮތަށް ރާއްޖޭގައި މެރިޓައިމް ހިދުމަތްތައް ފެށުމުގެ މުހިންމު ފިޔަވަޅެއްކަން ފާހަގަކުރެވެއެވެ.
