ސާޖިދާ ވިދާޅުވީ ޓީޗަރުންނަށް މާ ގިނަ އިދާރީ މަސައްކަތް ހަވާލުކުރުމަކީ އެ ބޭފުޅުންގެ ނަފްސާނީ ދުޅަހެޔޮކަމަށް ނޭދެވޭ އަސަރުކުރާނެ ކަމެއް ކަމަށެވެ. އެހެންކަމުން، ކިޔަވައިދިނުމާ ނުގުޅޭ އިދާރީ މަސައްކަތްތައް ޓީޗަރުންނާ ހަވާލުކުރުން މަދުކުރުމަކީ މުހިންމު ކަމެއްކަމަށް އެކަމަނާ ފާހަގަކުރެއްވިއެވެ.
މީގެ އިތުރުން، ޓީޗަރުންގެ ނަފްސާނީ ދުޅަހެޔޮކަން އިތުރުކުރުމަށްޓަކައި އެހެން ފިޔަވަޅުތަކެއްވެސް އަޅަންޖެހޭކަމަށް ސާޖިދާ ވިދާޅުވިއެވެ. މިގޮތުން، ޓީޗަރުންނަށް ރިފްރެޝާ ޕްރޮގްރާމްތަކުގައި ބައިވެރިވުމުގެ ފުރުސަތު އިތުރުކޮށް، ގަވާއިދުން ވަރކްޝޮޕްތައް ބޭއްވުމާއި، މެންޓަލް ހެލްތާ ގުޅޭ އެހީތެރިކަން ފޯރުކޮށްދިނުމުގެ މުހިންމުކަން ފާހަގަކުރެއްވިއެވެ.
ސާޖިދާ އުންމީދު ފާޅުކުރެއްވީ މި ފިޔަވަޅުތަކުގެ ސަބަބުން ޓީޗަރުންގެ ނަފްސާނީ އަދި ޖިސްމާނީ ދުޅަހެޔޮކަން އިތުރުވެ، އެ ބޭފުޅުންނަށް ކިޔަވައިދިނުމުގެ ފެންވަރު ރަނގަޅުކުރުމަށް މަގުފަހިވެގެންދާނެ ކަމަށެވެ. މިކަމުގެ ސަބަބުން ޓީޗަރުންނަށް އެ ބޭފުޅުންގެ އަސްލު މަގްސަދު ކަމުގައިވާ ކިޔަވައިދިނުމަށް އިތުރަށް ވަގުތު ހޭދަކުރެވި، ކިޔަވައިދިނުމުގެ މާޙައުލު ރަނގަޅުވެގެންދާނެ ކަމަށް ސާޖިދާ ވިދާޅުވިއެވެ.
