މި ހަމަލާތަކުގެ ފަހަތުގައި ވަނީ ކޮން ބަޔެއް ކަން ސާފެއް ނޫނެވެ.
ތެލް އަވީވާއި ޔާފާ ގުޅޭ ސަރަޙައްދުގައި ބަޑިއާއި ވަޅިން ދިން ހަމަލާތަކުގައި އިތުރު ބާރަ މީހުން ޒަހަމުވި ކަމުގައި ބީބީސީން ވަނި ރިޕޯޓުކޮށްފަ އެވެ.
އަދި އެ ހަމަލާގައި މަރުވި މީހުންގެ އަަދަދު އިތުރު ވުން ގާތް ކަމަށް ބީބީސީން ބުނެ އެވެ.
އިޒްރޭލުގެ ވެރިރަށުން ގިނަ ބަޔަކު މަރުވެފައި މިވަނީ މިރޭ އީރާނުން އިޒްރޭލަށް އަމާޒުކޮށް ވަރުގަދަ މިސައިލް ހަމަލާތަކެއް ދޭން ފަށައިފަ ވަނިކޮށެވެ.
އީރާނުގެ އަސްކަރިއްޔާގެ އިސްލާމިކް ރިވޮލިއުޝަނަރީ ގާޑުން ބުނި ގޮތުގައި އިޒްރޭލުގެ މުހިންމު ސަރަހައްދުތަކަށް އަމާޒުކޮށް މިރޭ ފޮނުވާލި މިސައިލް ހަމަލާތަކަކީ މިދިޔަ ހަފްތާ އަވަހާރަކޮށްލި ހިޒްބުﷲ ޖަމާއަތުގެ ލީޑަރު ހަސަން ނަސްރުﷲ އާއި މިއަހަރުގެ ކުރީކޮޅު ތެހެރާންގައި އަވަހާރަކޮށްލި ހަމާސްގެ ސިޔާސީ ގޮފީގެ ވެރިޔާ އިސްމާއިލް ހަނިއްޔާގެ މަރަށް ބަދަލުހިފުމުގެ ގޮތުން ދިން ހަމަލާތަކެކެވެ.
އަދި އިޒްރޭލުން ރައްދު ދިނުމުގެ ގޮތުން އީރާނަށް ހަމަލާދީފި ނަމަ އިތުރު ހަމަލާތައް ދޭނޭ ކަމުގެ އިންޒާރު ވެސް ރިވޮލިއުޝަނަރީ ގާޑުން ވަނީ ދީފަ އެވެ.
