ލ. ގަމުގައި ހުންނަ ހަމަދް ބިން ހަލީފާ އަލް ތާނީ ސުކޫލުގެ ދަރިވަރަކަށް އަނިޔާކޮށް، ވީޑިއޯ ނަގައި، ބްލެކްމޭލްކުރި މައްސަލައެއް ވަނީ އާއްންމުވެފައެވެ.
މި މައްސަލައިގައި އަނިޔާ ލިބުނު ކުއްޖާގެ މަންމަ ސޯޝަލް މީޑިއާގައި ހިއްސާކުރި މަޢުލޫމާތުން އެނގުނު ގޮތުގައި، އެ ކުއްޖާ ގޭގައި ނިދާފައި އޮއްވާ ކުޑަދޮރުން ވަދެ، ބޭރަށް ނުދާނަމަ މަރާލާނެ ކަމުގެ އިންޒާރު ދީފައިވެއެވެ.އަދި އަނިޔާކުރި ފަރާތުން އެ ކުއްޖާ ރުއްގަނޑަކަށް ގެންގޮސް، އަނިޔާކޮށް، ބަރަހަނާކޮށް، ވީޑިއޯ ނަގާފައިވާ ކަމަށް ބުނެއެވެ. އަދި ފައިސާ ނުދީފިނަމަ މި ވީޑިއޯ ލީކުކޮށްލާނެ ކަމުގެ އިންޒާރު ދީފައިވާ ކަމަށްވެސް އެ މަންމަ ބުނެފައިވެއެވެ.
މި މައްސަލައާ ގުޅިގެން އަނިޔާ ލިބުނު ކުއްޖާގެ މަންމަ ވަނީ ކަންބޮޑުވުން ފާޅުކޮށްފައެވެ. އޭނާ ސުވާލު އުފައްދާފައިވަނީ މިފަދަ މައްސަލަތަކުގައި އަނިޔާ ލިބޭ ފަރާތަށް އިންސާފު ލިބޭނެ ގޮތަކާ މެދުގައެވެ.
ފުލުހުން ދަނީ މައްސަލާގައި އިތުރު ތަފްސީލް ހޯދަން މަސައްކަތްކޮށް އެކަން އިތުރަށް ތަހުގީގު ކުރަމުންނެވެ.
