ކޮންސްޓްރަކްޝަން މިނިސްޓްރީން ބުނީ މި މަސައްކަތަކީ މާލޭގެ މަގުތަކުގައި ފެން ބޮޑުވާ މައްސަލައަށް ވަގުތީ ހައްލެއް ހޯދުމަށް ސަރުކާރުން ކުރަމުންދާ މަސައްކަތެއްކަމަށެވެ. މިހާތަނަށް މާލޭގެ ދެ ސަރަހައްދެއްގައި މިފަދا ވަގުތީ ނިޒާމުތައް ޤާއިމްކުރެވިފައިވާއިރު، އެއީ ވެސްޓް ޕާކު ހިމެނޭ ސަރަހައްދާއި ވިލިނގިލީ ފެރީ ޓާމިނަލް ހުރި ސަރަހައްދެވެ.
އައިޖީއެމްއެޗް ސަރަހައްދުގެ މަސައްކަތް ނިމުމުން، ދެން މި މަސައްކަތް ކުރިއަށް ގެންދާނީ އާޓިފިޝަލް ބީޗް ހިމެނޭ ސަރަޙައްދުގައި ކަމަށް ވުޒާރާއިން މަޢުލޫމާތު ދެއްވާފައިވެއެވެ. މި މަސައްކަތްތައް ކުރިއަށް ގެންދަނީ ދިވެހި އަސްކަރިއްޔާގެ އިސްނެގުމުގެ މަތިން، ޢިމާރާތްކުރުމާއި ބިނާވެށި ތަރައްޤީކުރުމާބެހޭ ވުޒާރާގެ ފަންނީ އެހީތެރިކަމާއެކު ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިންނެވެ.
ނަމަވެސް، މި ވަގުތީ ހައްލުތަކުގެ އިތުރުން، ޗައިނާ ސަރުކާރުގެ ހިލޭ އެހީގެ ދަށުން މާލޭގެ ހުރިހާ މަގެއް ޒަމާނީ ފެންވަރަށް ތަރައްޤީކުރެވުމާއެކު މާލޭގެ މަގުތަކުގައި ފެން ބޮޑުވާ މައްސަލައަށް ދާއިމީ ޙައްލެއް ލިބޭނެކަމަށް ސަރުކާރުން އުންމީދުކުރައްވައެވެ. މިކަމުގެ ސަބަބުން، ގިނަ އަހަރުތަކެއް ވަންދެން މާލޭގެ ރައްޔިތުންނަށް ދިމާވަމުން އައި ފެން ބޮޑުވުމުގެ މައްސަލައަށް ހައްލެއް ލިބި، ގެތަކަށް ލިބެމުންދާ ގެއްލުންތައް ނިމުމަކަށް އަންނާނެކަމަށް ބެލެވެއެވެ.
