އަލްކަރޭޒް، ބެއިޖިންގ އޯޕަން ޓެނިސް މުބާރާތް ކާމިޔާބު ކުރީ ފައިނަލްގައި، މިހާރު ދުނިޔޭގެ އެއްވަނައަށް ރޭންކް ކޮށްފައިވާ ޓެނިސް ކުޅުންތެރިޔާ ޔަނިކް ސިނާ ބަލިކުރުމަށްފަހު އެވެ. އުމުރުން 21 އަހަރުގެ އަލްކަރޭޒް، އިޓަލީގެ ސިނާ ބަލިކޮށްފައިވަނީ ފަހަތުން އަރާ ދެ ސެޓް ކާމިޔާބުކޮށްގެންނެވެ. މިއީ އަލްކަރޭޒްގެ ކެރިއަރގައި އޭނާ ކާމިޔާބުކުރި 16 ވަނަ މުބާރާތެވެ. އަދި މިއީ އޭނާ ކާމިޔާބުކުރި ހަތަރުވަނަ އޭޓީޕީ ޓުއަރ އެވެ.
މި މުބާރާތުގެ ފައިނަލުން ސިނާ ބަލިވެފައިވާއިރު, މާނާ ބޭސް ބޭނުންކޮށްފައިވާކަމަށް ޕޮޒިޓިވްވެ ސިނާ އަށް ވަގުތީ ސަސްޕެންޝަނެއް ދިނުމަށްފަހު އެ މައްސަލައިގައި އޭނާ ކުށްވެރި ނުވާކަމަށް މިދިޔަ މަހުވަނީ ނިންމާފަ އެވެ. ނަމަވެސް އެ މައްސަލަ އެއްކޮށް ނިންމުމަށްޓަކައި ވޯލްޑް އެންޓި ޑޯޕިން އެޖެންސީން ވަނީ މިދިޔަ ހޮނިހިރު ދުވަހު އެޕީލް ކުރަން ނިންމާފައިވާކަމަށް އިއުލާން ކޮށްފަ އެވެ.
