އާސަހަރާ މިސްކިތާއި އެ މިސްކިތުގެ ހިނަވާގެ މަރާމަތަށް ފަހު މިއަދު ހުޅުވާދެއްވީ ރައީސް ޑރ. މުހައްމަދު މުއިއްޒާއި މާލޭގެ މޭޔަރު އާދަމް އާޒިމްއެވެ.
ދެބުރިއަށް ހެދި މި މިސްކިތް ތިރީބައި ނިންމާ މިދިޔަ މަހުގެ ހަވަނަ ދުވަހުން ފެށިގެން އައީ ބޭނުންކުރަމުންނެވެ. މުޅި މިސްކިތް ނިންމާ އެއްކޮށް މި ހުޅުވާލީ މިއަދުއެވެ.
އާ ސަހަރާ މިސްކިތް މަރާމާތަށް ފަހު މާލޭ މޭޔަރު އާދަމް އާޒިމް ހުޅުވާދެއްވަނީ
މިސްކިތާއި ހިނަވާގެ ހުޅުވުމަށް ފަހު ސިޓީ ކައުންސިލުން ބުނީ އާސަހަރާގެ ޖަނާޒާހެ ކަންކަން މިއަދު ފެށިގެން ކުރިޔަށް ދާނެކަމަށާއި އެ ހިދުމަތް ލިބޭނީ ކުރިޔަށް ވުރެ ފިރިހަމަކޮށްކަމަށެވެ.
މަރާމާތަށްފަހު މާލޭ އާ ސަހަރާ މިސްކިތް
ދެ ބުރިއަށް އިމާރާތްކޮށްފައިވާ މިސްކިތުގެ މަސައްކަތް ނިމުނިއިރު 3،200 އަކަފޫޓު މިސްކިތަށް ވަނީ އިތުރުކޮށްފައެވެ.
މި މިސްކިތުގެ މަތީބައިގައި އަންހެނުންނަށް ނަމާދުކުރުމަށް ބައެއް ވަނީ ހާއްސަކޮށްފައެވެ. މީގެއިތުރުން ޖަނާޒާގައި އަންނަ މީހުން މަޑުކުރާނެ ވެއިޓިން ބަޔަކާ ޖަނާޒާތަކަށް އަންނަ ވީއައިޕީން މަޑުުކޮށްލަން ވީއައިޕީ ބައެއްވެސް ވަނީ ހަދާފައެވެ.
މާލޭ އާ ސަހަރާ މިސްކިތުގެ ނަން ބޯޑު. މަރާމާތަށް ފަހު މިއަދު ވަނީ މިސްކިތް ހުޅުވާފައި
މާލޭ ސިޓީ ކައުންސިލްގެ މޭޔަރުކަމުގައި މިހާރުގެ ރައީސް ޑރ. މުހައްމަދު މުއިއްޒު ހުންނެވި ދުވަސްވަރު މިދިޔަ އަަހަރުގެ މޭމަހުގެ މަރާމާތުކުރަން ފެށި މިސްކިތުގެ މަސައްކަތް މި ނިމުނީ ތިން ކޮންޓްރެކްޓަރުން އެ މަޝްރޫއުއާ ހަވާލުވުމަށް ފަހުއެވެ.
މި މަސައްކަތް ހަވާލުކުރި ފުރަތަމަ ކޮންޓްރެކްޓަރު މަސައްކަތް ނުނިންމިގެން އެހެން ބަޔަކާއި ހަވާލުކުރިއިރު އެ ކުންފުންނަށް ވަނީ 4 މިލިއަަނަށް ވުރެ ގިނަ ރުފިޔާ ދޫވެސްކޮށްފެއެވެ.
އާސަހަރާގެ މަސައްކަތަކީ ސިޓީ ކައުންސިލްގެ ޖަލްސާއަކުން ފާސްކޮށްގެން، ކުރިއަށް ގެންދިޔަ މަޝްރޫއެކެވެ. މަޝްރޫއަށް ކަނޑައެޅި ބަޖެޓަކީ 4.9 މިލިއަން ރުފިޔާއެވެ. އެހެންނަނަމަވެސް އާސަހަރާގެ ކަންކަން ނިންމުމަށް 11.6 މިލިއަން ރުފިޔާ ހޭދަވެފައިވާކަމަށް ކައުންސިލުން ބުނެއެވެ.
