އިމިގްރޭޝަނުން ބުނީ މި މީހުން ހައްޔަރުކުރީ މާލޭގައި އެކި ތަންތާ ތޮއްޖެހިގެން ގަވައިދާ ހިލާފަށް އުޅޭ ބިދޭސީން ހޯދުމަށް ހިންގާ އޮޕަރޭޝަންގެ ތެރެއިންކަމަށެވެ.
މި އޮޕަރޭޝަންގެ ދަށުން ހުޅުމާލޭގެ ބިދޭސީން އުޅެމުންދިޔަ ދެ އެކޮމޮޑޭޝަން ބްލޮކެއް އިއްޔެ ބަލާ ފާސްކޮށްފައިވާކަމަށް އިމިގްރޭޝަނުން ބުނެއެވެ. އަދި އެތަނުން ގަވައިދާ ހިލާފަށް އުޅެމުންދިޔަ 8 ބިދޭސީއަކު ހައްޔަރުކޮށްފައިވާކަމަށްވެސް އެ އިދާރާއިން ބުނެއެވެ.
އިމިގްރޭޝަނުން ބުނީ އިއްޔެ ހިންގި ރެއިޑްތަކުގައި އެ އިދާރާއާ އަލަށް ގުޅުނު އޮފިސަރުން ބައިވެރިވިކަމަށެވެ. އެގޮތުން އަލަށް އިމިގްރޭޝަނަށް ވަންނަ އޮފިސަރުންނަށް ދޭ ހާއްސަ ތަމްރީނުގެ ދަށުން އެ ރެއިޑުގައި "އިމިގްރޭޝަން އޮފިސަރ ޓްރެއިނީސް" ބައިވެރިވެ މަސައްކަތް ކުރިންކަން އެ އިދާރާއިން ފާހަގަކުރައެވެ.
އިއްޔެ ގެ އޮޕަރޭޝަންގައި ބިދޭސީން އުޅޭ ތަނެއް އިމިގްރޭޝަން އޮފިސަރުން ބަލާ ފާސްކުރަނީ
ގަވައިދާ ހިލާފަށް އުޅޭ ބިދޭސީން ހޯދާ އެމީހުން ފޮނުވާލަން ކުރާ މަސައްކަތުގެ ދަށުން ފާއިތުވި 10 މަސް ތެރޭގައި 4054 ބިދޭސީއަކު ޑީޕޯޓްކޮށްފައިވާކަމަށް އިމިގްރޭޝަނުން ވަނީ ބުނެފައެވެ.
އިމިގްރޭޝަނުން އާއްމުކޮށްފައިވާ ހިސާބުތަކުން ދައްކާގޮތުން އެންމެ ގިނަ ބިދޭސީން ޑީޕޯޓްކޮށްފައިވަނީ މިދިޔަ ޖުލައި މަހުގެ ެއެވެ. އެމަހު 690 ބިދޭސީން ވަނީ ޑީޕޯޓްކޮށްފައެވެ. މމި ސަރުކާރުން ވެރިކަމާއި ހަވާލުވި ނޮވެމްބަރު މަހު 90 ބިދޭސީން ފޮނުވާލިކަމަށް އިމިގްރޭޝަން ތަފާސް ހިސާބުތަކުން ދައްކައެވެ.
