މެމްބަރު ޟަމީރު މިހެން ވިދާޅުވެފައި މިވަނީ މަގުތަކުގައި ހުރި ޕެލްޓްތައް ނުނަގާ ޓޭކްއަވޭ ވިޔަފާރި ކުރާ ފަރާތްތަކުން މަގުތަކުގެ ސާފުތާހިރު ކަމަށް ބަހައްޓާފައިވާ ޑަސްބިންތައް ނަގަން ކައުސިލުން އަންގަމުން ދާތީ އެވެ.
ޟަމީރު އެކްސްގައި ކުރެއްވި ޕޯސްޓެއްގައި ވިދާޅުވީ ތޮއްޖެހިފައިވާ ވެރިރަށް މާލޭގައި ޓޭކްއަވޭ ވިޔަފާރިތައް ހުޅުވުމުގެ ހުއްދަ ދެނީ އޮންނަ އުސޫލްގެ ދަށުންކަމަށެވެ.
މިފަދަ ވިޔަފާރިތަކަށް ފުރުސަތު ލިބެންޖެހޭ، ނަމަވެސް އެފަދަ ތަންތަނުގެ ކައުންޓަރުތައް ހުންނަނީ މަގުގެ އިންފާރުގައި، މަގުތަކުގެ ދުވާރުމައްޗާއި ދުވާރުނެތް މަގުތަކުގައިކަން ޟަމީރު ވަނީ ފާހަގަކުރައްވާފަ އެވެ. އަދި މިކަމުގެ ސަބަބުން އެތަންތަނުގެ ކައިރީގައި ވިޔަފާރިކުރަން އަންނަ މީހުން ގިނަވެ ތޮއްޖެހުމުން މަގުން ހިނގާ މީހުން ނުރައްކަލަށް ހުށައެޅޭކަން ޒަމީރު ފާހަގަކުރެއްވި އެވެ. އަދި ދުވާރު ނެތް މަގުތަކުގައި ބަހައްޓާފައި ހުންނަ ޕްލެޓްތަކުގެ ސަބަބުންވެސް ނުރައްކާލާ ކުރިމަތިލާންޖެހޭކަމަށް ޟަމީރު ވިދާޅުވި އެވެ.
ޟަމީރު ވިދަޅުވީ ޕެލްޓްތައް ނުނަގާ ހަމައެކަނި މިފަދަ ވިޔަފާރި ސަރަހައްދުތަކުގައި ބަހައްޓާފައިވާ ޑަސްބިންތައް ނަގަން ވިޔަފާރިވެރިޔާއަށް ސިޓީ ކައުންސިލުންގެ އޮފިޝަލުން އެންގުމުން މިހާރު މިވަނީ މަގުތައް ގޮނޑުވެ، އާންމު ސާފުތާހިރުކަން ގެއްލިފައިކަމަށެވެ.
ޟަމީރު ވިދާޅުވީ ވިޔަފާރިވެރިންނާއި ސިޓީ މެނޭޖްކުރާ ފަރާތްތަކުންވެސް ދުނިޔޭގަ ތަހުޒީބު ގައުމުތަކުގައި މިކަން ކުރާ ގޮތް ބަލާ އެފަދަ ސިޔާސަތުތައް އެކުލަވާލާ ތަހުޒީބު ބަޔަކަށް ވާންޖެހޭކަމަށެވެ
މާލެ ސިޓީއަށް ޓޭކްއަވޭ ވިޔަފާރިތައް އިންޓަގްރޭޓް ކުރެވޭއިރު، ހިނގާބިނގާވެ އުޅޭ މީހުންގެ ރައްކާތެރިކަން ކަށަވަރުކޮށްދީ، ސާފު މާހައުލެއް ހޯދުމަަކީ އެންމެންގެ ޒިންމާއެއްކަން ފާހަގަކޮށް އެ މަގުން މަސައްކަތް ކުރުމަށް ޟަމީރު ވަނީ ގޮވާލައްވާފަ އެވެ.
