ޑރ. އިޔާޒްގެ އަންހެނުން ހައްޔަރު ކުރި މައްސަލައިގެ އިސްތިއުނާފު އޮތީ ހައިކޯޓުގައި މިދިޔަ ހަފްތާގައި ފަށާފައެވެ. ޑރ. އިޔާޒްގެ އަންހެނުންނާ އަދި އިތުރު އެހެން އަންހެނަކު ހައްޔަރުކޮށްފައިވަނީ ފަލަސްތީނަށް އިޒްރާއީލުން ދެމުން ގެންދާ އަނިޔާވެރި ހަމަލާތަކާ ދެކޮޅަށް އަޑު އުފުލަމުން ދިޔަ މައްސަލައިގައެވެ.
އެ މައްސަލާގައި ބައެއް އެމްބަސީތައް ކައިރިއަށް އެއްވި މައްސަލައެއްގައި ފުލުހުން ހައްޔަރުކުރި މ. ބަޑިކުޅިމާގެ އާއިޝަތު ޝާދިޔާ (48) އަދި ގދ. ރަތަފަންދޫ ލިލީގެ، ޑރ. ޝަޒްރާ އިބްރާހިމް (36) ގެ ބަންދަށް ކްރިމިނަލް ކޯޓުން މުއްދަތު އިތުރުކުރީ ބަންދުގައި ބޭތިއްބުމުގެ ޒަރޫރެއް ނެތި ކަމަށް އޭނާގެ ވަކީލުންވަނީ ހައިކޯޓުގައި އޮތް ފުރަތަމަ އަޑު އެހުމުގައި ބުނެފައެވެ.
މި މައްސަލައިގެ އިތުރު އަޑު އެހުމެއް ކުރިއަށް ގެންދިޔުމަށް ކޯޓުގައި ތާވަލުކޮށްފައިވަނީ މިއަދު މެންދުރު ފަހަށެވެ. ހައިކޯޓުގައި މި މައްސަލަ ބަލަނީ ފަނޑިޔާރު ހުޒައިފާ މުހައްމަދު، މުހައްމަދު ސަލީމް އަދި އަބްދުލްމާނިއު ހުސައިންއެވެ.
