މި މައްސަަލާައި ހައްޔަރުކުރި މީހުންގެ ބަންދަށް މީގެ ކުރިން ވަނީ 5 ދުވަސް ޖަހާދީފައެވެ. އެ ފަހަރު ބަންދުގެ މުއްދަތު ޖެހީ އެމީހުން ވަކީލުން ހޯދުމަށް ފުރުސަތަކަށް އެދުމުންނެވެ.
މި މައްސަލައިގައި ހައްޔަރުކުރި މީހުންނަކީ:
ސ. ހިތަދޫ އަތިރީއާގެ، އަހުމަދު ސިވާތު (37 އަހަރު)
ސ. ހިތަދޫ ޑިލައިޓްފޭސް، މުހައްމަދު ސާލިމް (37 އަހަރު)
މި މީހުންގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުން ކޯޓުން ވަނީ 15 ދުވަހުގެ މުއްދަތެއް އިތުރަށް ޖަހާދީފައެވެ.
ފުލުހުން ބުނީ، މި މީހުން ވަނީ ރަސްފަންނުގައި ތިބި ބިދޭސީންތަކަކަށް ވަޅިން ބިރުދައްކައި، ފައިސާ ނުދީފިނަމަ އެ މީހުންގެ އިނގިލިތައް ބުރިކޮށްލާނެ ކަމަށް އިންޒާރުދިނުމުގެ އިތުރުން، އެތަނުން މީހެއްގެ ވޮލެޓުގައި ހުރި ފައިސާ ފޭރިގަންފައިކަމަށެވެ.
މި މައްސަލައިގެ ތަހުގީގު ކުރިއަށްދާއިރު، ބިދޭސީ މީހާގެ އަތުން ފޭރުނު ފައިސާ ވަނީ އަނބުރާ ހޯދާފަ އެވެ.
