މިކަމުގެ އެއްބަސްވުމުގައި އެމްޕީއެލްގެ ފަރާތުން ސޮއިކުރީ އެ ކުންފުނީގެ ސީއީއޯ މުހައްމަދު ވަޖީހު އިބްރާހިމްއެވެ. ވެމްކޯގެ ފަރާތުން ސޮއިކުރީ މެނޭޖިން ޑިރެކްޓަރު މުޖްތަބާ ޖަލީލް އެވެ.
މި އެއްބަސްވުމުގައި ދަށުން އުތުރުގެ މެރިޓައިމް ހިމަތްތައް އަންނަ ބޯޓުފަހަރުތަކަށް ކުނި ނަގާނީ އެމްޕީއެލުންނެވެ. އެ ކުނީ އުކާދޭނީ ވެމްކޯއިންނެވެ.
ކުނި އުކުމުގެ ހިދުމަތާއި އެކު "ޔޫޒްޑް އޮއިލް" ވެސް މޭނޭޖް ކުރުމުގެ ހިދުމަތް ވެމްކޯއިން ދިނުމަށް ވަނީ ނިންމާފައެވެ. އަދި ބޯޓް ފަހަރުތަކުން ނަގާ ކުނި ކުނބުރުދޫގައި ޤާއިމުކުރެވޭ ރީޖަނަލް ވޭސްޓް މެނޭޖްމެންޓް ސެންޓަރަށް ގެންދާގޮތަާް ވަނީ ހަމަޖެހިފައެވެ.
މެރިޓައިމް ހިދުމަތް ހޯދަން ފުރަތަމަ އުޅަނދު އިހަވަންދިއްޕޮޅަށް ބަނދަރުކުރީ މިމަހުގެ 3 ވަނަ ދުވަހުއެވެ. ހިދުމަތް ހޯދުމަށް އައި ފުރަތަމަ އުޅަނދަކީ "ޖިއަން ޖިއޭ" ނަމަކަށް ކިޔާ ތެޔޮ ޓޭންކަރެކެވެ.
މި ބޯޓުގެ ފަޅުވެރިން ވަނީ އުލިގަމަށް ފައިބާ އެރަށުގައި ހެދި ސީމެން ރެސްޓް ހުޅުވުމުގައި ބައިވެރިވެފައެވެ.
