އުތުރު މެރިޓައިމް ސާވިސް (ޔޫ.އެމް.އެސް)ގެ ހިދުމަތް ހޯދުމަށް އައި ފުރަތަމަ އުޅަނދު މިއަދު ހެނދުނު ވަނީ އިހަވަންދިއްޕޮޅުގައި ބަނދަރުކޮށްފައެވެ. ހިދުމަތް ހޯދުމަށް އައި ފުރަތަމަ އުޅަނދަކީ "ޖިއަން ޖިއޭ" ނަމަކަށް ކިޔާ ތެޔޮ ޓޭންކަރެކެވެ.
ހިދުމަތަށް އަންނަ ބޯޓްތަކުގެ ފަޅުވެރިންނަށް ހިދުމަތް ދިނުމަށް އުލިގަމުގައި ހެދި "ސީމެންސް ރެސްޓް" ހުޅުވާ ދެއްވީ އެމްޕީއެލްގެ ސީއީއޯ އިބްރާހިމް ވަޖީހުއެވެ. މި ހިޔާ ހުޅުވުމަށް ބޭއްވި ރަސްމިއްޔާތުގައި މިއަދު އިހަވަންދިއްޕޮޅުގައި ބަނދަރުކުރި ފުރަތަމަ އުޅަނދަކީ "ޖިއަން ޖިއޭ" ގެ ފަޅުވެރިން ވަނީ ބައިވެރިވަފައެވެ.
އުލިގަމުގައި ހެދި ސީމެންްސް ރެސްޓްގައި މިއަދު ރާއްޖެއަށް ބަންދަކުރި ބޯޓްގެ ފަޅުވެރިން އުލިގަމުގައި
"ސީމެންސް ރެސްޓް" ގެ ގޮތުގައި ހެދި މި ހިޔާއިން ބޯޓްތަކުގެ ފަޅުވެރިންނަށް ބައެއް ކުޅިވަރު ކުޅެވޭނެ ގޮތާއި ފޮތް ކިޔާނެ ތަނަކާއި ކޮފީ އަދި ސައި ފަދަ ތަކެތި ލިބެން ހުރެއެވެ.
"ސީމެންސް ރެސްޓް" ހުޅުވުމަށްފަހު އެތަނުގެ ބައެއް ހަރަކާތްތަކުގައި ބައިވެރިވެ "ޖިއަން ޖިއޭ" ބޯޓްގެ ކައްޕި ބުނީ އޭނާގެ ސީމަނެއްގެ ގޮތުގައި ހޭދަކުރި މިދިޔަ 20 އަހަރު ދުވަހުގެ ތެރޭގައި ރާއްޖެއިން މިއަދު ލިބުނު ފަދަ ފުރިހަމަ ހިދުމަތެއް ދުނިޔޭގެ އެއްވެސް ޕޯޓަކުން މިހާތަނަށް ލިބިފައި ނުވާކަމަށެވެ.
