މަރުކަޒަށް 40 އަހަރުފުރޭ މުނާސަބަތާއި ދިމާކޮށް މުންނާރު ކައިރީ މަސްފެންގަނޑެއް ހަދައިދޭނެ ބަޔަކު ހޯދުމަށް އިސްލާމިކް މިނިސްޓްރީން މިމަހުގެ 2 ވަނަދުވަހު އިއުލާންކުރިއެވެ. އެހެންނަމަވެސް އިގްތިސާދު އޮތް ގޮތުން މި ވަގުތު އެ ބާވަތުގެ ކަންކަން ކުރުމަކީ އެންމެ މުނާސަބުކަމަކަށް ނުވާކަމަށް ބުނެ ޖެހިގެން އައި ދުވަހު ކުރިން ކުރި އިއުލާން ބާތިލުކުރިކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވިއެވެ.
އިސްލާމިކް މިނިސްޓްރީން މިއަދު ބުނީ މުންނާރު ކައިރީ އޮންނަ މަސްފެންގަނޑު ހަދައިދޭން ސްޓެލްކޯއިން ޝައުގުވެރިކަން ފާޅުކޮށްފައިވާކަމަށެވެ.
މިކަމާއި ގުޅިގެން ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ ވިދާޅުވީ އިސްލާމީ މަރުކަޒުގެ މުންނާރުގެ ދަށުގައިވާ މަސްފެންގަޑަކީ ތާރީހީ މުހިންމުކަމެއް ލިބިފައިވާ ތަނެއް ކަމަށެވެ. އަދި އެ ހާއްސަކަން އެ ގޮތުގައި ބޭއްވުމަށް އިސްލާމިކް މިނިސްޓްރީގެ ޓިމާއި ގުޅިގެން މުންނާރު ތރިގައި އޮންނ މަސްފެންގަނޑު އަލުން ރީތިކޮށް އެންމެންގެ ލޯބި ލިބޭތަނަކަށް އެތަން ހެދުންކަަމަށް ފަހުމީ ވިދާޅުވިއެވެ.
އިސްލާމީ މަރުކަޒަކީ އިސްލާމީ އެކި ގައުމުތަކުގެ އެހީގައި 1980ގެ ކުރީކޮޅު އަޅަން ފެށި މަރުކަޒެކެވެ. މިސްކިތުގެ މަސައްކަތް 10 މަސް ދުވަހުގެ ތެރޭގައި ނިންމާ ރަސްމީކޮށް މިސްކިތް ހުޅުވީ ނޮވެމްބަރު 1984ގެ ނޮވެމްބަރުމަހުގެ 11 ވަނަދުވަހު ރީގެ ރައީސް މައުމޫން އަބްދުލްގައްޔޫމެވެ.
އިސްލާމީ މަރުކަޒު އިމާރާަތްކޮށްފައިވަނީ މެލޭޝިއާގެ ވެރިރަށް ކުއާލަ ލަމްޕޫރުގެ ބަންގްސާގައި ހުންނަ މިސްކިތެއް ނަމޫނާއަކަށް ބަލައިގެން އެތަނާއި އެއްގޮތަށެވެ. މަރުކަޒުގެ ޑިޒައިންވެސް ކުރެހީ އެ މިސްކިތް ކުރެހި އާކިޓެކްޓެކެވެ.
