މި ފުރުސަތުތަކުގެ ތެރޭގައި ރާއްޖެއާއި ރާއްޖެއިން ބޭރުގައި މަތީ ތައުލީމު ހާސިލުކުރުމަށް ދެވޭ ސްކޮލަރޝިޕްތައް ހިމެނެއެވެ.
މިއަހަރު ތެރޭގައި ޖުމްލަ 53 ސްކޮލަރޝިޕް ސްކީމެއް އިޢުލާނުކޮށްފައިވާއިރު، މީގެ ދަށުން 345 ފުރުސަތު ވަނީ ހުޅުވާލާފައެވެ. މި ސްކޮލަރޝިޕްތަކުގެ ތެރޭގައި މަތީ ސާނަވީ އިމްތިހާނުތަކުން އެއްވަނަ ދަރަޖައިގައި ފާސްވާ ދަރިވަރުންނަށް ރައީސުލްޖުމްހޫރިއްޔާ ދެއްވާ ސްކޮލަރޝިޕާއި، ހައި އެޗީވާސް ސްކޮލަރޝިޕް އަދި އެކައުންޓިން ސްކޮލަރޝިޕް ހިމެނެއެވެ.
މީގެ އިތުރުން، ބޭރު ގައުމުތަކުގެ ސަރުކާރުތަކުން ދިވެހި ދަރިވަރުންނަށް ދޭ ސްކޮލަރޝިޕްތަކުގެ ފުރުސަތުތައްވެސް ވަނީ ހުޅުވާލާފައެވެ. މީގެ ތެރޭގައި ޗައިނާ، ތުރުކީ، އިނގިރޭސިވިލާތް އަދި ޖަޕާން ފަދަ ޤައުމުތަކުގެ ސްކޮލަރޝިޕްތައް ހިމެނެއެވެ. މި ފުރުޞަތުތަކުގެ ސަބަބުން މިހާތަނަށް 681 ދަރިވަރުން ރާއްޖެއާއި ރާއްޖެއިން ބޭރުގައި މަތީ ތަޢުލީމު ހާސިލުކުރަން ފަށާފައިވާކަމަށް ވުޒާރާއިން ބުނެއެވެ.
ސްކޮލަރޝިޕްގެ އިތުރުން، ލޯނު ނަގައިގެން ކިޔެވުމުގެ ފުރުޞަތުތައްވެސް ވަނީ ފަހިކޮށްދީފައެވެ. އަދި ބައެއް ޤައުމުތަކާއެކު އޮންނަ ގާތް ގުޅުމުގެ ސަބަބުން، ފުލީ ފަންޑެޑް ސްކޮލަރޝިޕްތަކާއި ވަކި އިންސައްތައެއް ހިލޭ ކޮށްދޭ ސްކޮލަރޝިޕްތައްވެސް ލިބެމުންދާކަމަށް ވުޒާރާއިން ފާހަގަކުރެއެވެ. މިކަމުގެ ސަބަބުން ގިނަ ދިވެހި ދަރިވަރުންނަށް މަތީ ތަޢުލީމު ހާސިލުކުރުމުގެ ފުރުޞަތު ފަހިވެގެންދާނެ ކަމަށް ބެލެވެއެވެ.
