އެ ކައުންސިލުން ބުނީ 'ރައްޔިތުނާއި ގާތުން'' މި ނަމުގައި، މާލޭސިޓީގައި، ދޮރުން ދޮރަށް ހިންގައިގެން މައުލޫމާތު ހޯދުމުގެ ސާވޭ ކުރިޔަށް ގެންދާނީ މާލެ ސިޓީގެ އަންހެނުންގެ ތަރައްޤީއަށް މަސައްކަތްކުރާ ކޮމެޓީންކަމަށެވެ.
މާލެ ސިޓީގެ ރައްޔިތުންގެ ހާލު ބެލުމަށްޓަކައި، ސިޓީ ކައުންސިލުން ކުރިޔަށްގެންދާ ''ރައްޔިތުންނާ ގާތުން'' ޕްރޮގްރާމް ލޯންޗުކޮށްދެއްވީ މާލޭ ސިޓީ މޭޔަރު އާދަމް އާޒިމްއެވެ.
މި ސާވޭގެ މަސައްކަތުގައި ރައްޔިތުން ދޭ މައުލޫމާތުން، އެކި ގޭ ބިސީތަކުގައި ދިރިއުޅޭ އެކި ކަހަލަ އެހީތެރިކަމަށް ބޭނުންވާ ރައްޔިތުން ދެނެގަނެވޭނެކަމަށް ކައުންސިލުން ބުނެއެވެ. އަދި އޭގެ ސަބަބުން އެ ފަރާތްތަކަށް އެހީތެރިވެދިނުމަށް ކައުންސިލުން ކުރަން ޖެހޭ އަދި ކުރެވޭނެ ކަންތައްތަކަކީ ކޮބައިކަން ދެނެގަނެވޭނެކަމަށްވެސް މާލޭ ސިޓީ ކައުންސިލުން ބުނެއެވެ.
މާލެ ސިޓީގެ ރައްޔިތުންގެ ހާލު ބެލުމަށްޓަކައި، ސިޓީ ކައުންސިލުން ކުރިޔަށްގެންދާ ''ރައްޔިތުންނާ ގާތުން'' ޕްރޮގްރާމް މޭޔަރު އާދަމް އާޒިމް ލޯންޗުކޮށްދެއްވަނީ
މި ސާވޭއިން ލިބޭ މަޢުލޫމާތުގެ އަލީގައި ކައުންސިލުން ކުރިއަށް އޮތްތާގައި ހިންގަން، ރާވާ ކަންތައްތައް ތަރުތީބު ކުރުމަށް، ބޭނުން ހިފާނެކަަމަށްވެސް ކައުންސިލުން ބުނެއެވެ. އެހެންކަމުން މި ސާވޭ ކުރަން މާލޭ ސަރަހައްދުގެ ގެތަކަށް ޒިޔާރަތްކުރާ ޑަބްލިޔު ޑީ ސީގެ މެމްބަރުންނަށް އެއްބާރުލުން ދިނުމަށް މާލޭ ސިޓީ ކައުންސިލުން ވަނީ އެދިފައެވެ.
