އިމިގްރޭޝަނުން މިއަދު ވަނީ މިދިޔޔ ތިން ކުއާޓާގެ ބައއް ތަފާސް ހިސާބުތައް އާއްމުކޮށްފައެވެ. އެ ހިސާބުތައް ދައްކާ ގޮތުން މިއަހަރުގެ މިހާތަނަށް 45 މީހަކު އޮޅުވާލައިގެން ވައިގެ މަގުން ރާއްޖެ ވަންނަން ވަނީ މަސައްކަތްކޮށްފައެވެ.
މި މީހުންގެ ތެރެއިން ގިނަ މީހުން ރާއްްޖެ ވަންނަން މަސައްކަތްކޮށްފައިވަނީ މިދިޔަ ޖުލައި މަހާ ސެޕްޓެމްބަރު މަހާ ދެމެދުއެވެ. މިގޮތުން އަހަރުގެ ތިންވަނަ ކުއާޓާގެ ގޮތުގައި ގުނާ ޖުލައި މަހާ ސެޕްޓެމްބަރު މަހާ ދެމެދު 20 މީހަކު ވަނީ އޮޅުވާލައިގެން ރާއްޖެ ވަންނަން މަސައްކަތް ކޮށްފައެވެ. އަހަރުގެ ފުރަތަމ ކުޢާޓާގައި 8 މީހުން އަދި ދެވަނަ ކުއާޓާގައި 17 މީހަކު ވަނީ ރާއްޖެއަށް ވަގަަށް އެތެރެވާން މަސައްކަތްކޮށްފައިކަމަށް އިމިގްރޭޝަންގެ ހިސާބުތަކުން ދައްކައެވެ.
އިމިގްރޭޝަންގެ ފަހު ކުއާޓާގެ ހިސާބުތައް
- މީހާ އޮޅުވާލައިގެން ވަންނަން އުޅުނު : 5
- ވަގު އައީޑީއެއް ބޭނުންކޮށްގެން : 1
- ވުޖޫދުގައި ނެތް ޤައުމެއްގެ ޕާސްޕޯޓު ބޭނުން ކޮށްގެން : 1
- ވަގު ޕާސްޕޯޓް ބޭނުންކޮށްގެން :1
- ވަގު ސްޓޭމްތަކެއް ޖަހައިގެން : 4
- ވަގު ވިސާ ބޭނުންކޮށްގެން : 2
- މައުލޫމާތުތައް އޮޅުވާލައިގެން : 3
ގަވައިދާ ހިލާފަށް އުޅޭ ބިދޭސީންވެސް ހޯދުމަށް އިމިގްރޭޝަނުން އަންނަނީ އޮޕރޭޝަންތައް ހިންގަމުންނެވެ. އެގޮތުން ގަވައިދާ ހިލާފަށް ރާއްޖޭގައި އުޅެމުން ދިޔަ 4054 ބިދޭސީއަކު މިދިޔަ 10 މަސް ދުވަހުގެ ތެރޭގައި ޑީޕޯޓްކޮށްލާފައަިވާކަމަށް އިމިގްރޭޝަނުން ބުނެއެވެ.
