މިއީ އެ މުއްދަތުގައި ހިފެހެއްޓުނު އެންމެ ގިނަ ބާވަތުގެ ފޭކު ލިޔެކިޔުމެވެ.
އިމިގްރޭޝަނުން ހާމަކުރި މަޢުލޫމާތުގައިވާ ގޮތުން، މި މުއްދަތުގައި ޖުމުލަ 50 މީހަކު ވަނީ އޮޅުވާލައިގެން ރާއްޖެއަށް ވަންނަން އުޅެނިކޮށް ހުއްޓުވާފައެވެ. މީގެ ތެރޭގައި ހިމެނެނީ ފޭކު ޕާސްޕޯޓުގެ އިތުރުން، ފޭކު ރެސިޑެންޓް ކާޑު، ފޯޖުކޮށްފައިވާ ޕާސްޕޯޓު، ވުޖޫދުގައި ނެތް ގައުމެއްގެ ޕާސްޕޯޓު، ފޭކު އައިޑީ، އަދި ފޭކު ވިސާ ފަދަ ލިޔެކިޔުންތައް ބޭނުންކޮށްގެން ރާއްޖެއަށް ވަންނަން އުޅުނު މީހުންނެވެ.
މި މައްސަލަތަކާ ގުޅިގެން، އިމިގްރޭޝަނުން ވަނީ ބޯޑަރ ކޮންޓްރޯލްގެ ކަންކަން އިތުރަށް ހަރުދަނާކުރުމަށް ގިނަ މަސައްކަތްތަކެއް ކުރަމުންދާ ކަމަށް ބުނެފައެވެ. އަދި މިފަދަ މައްސަލަތައް ހުއްޓުވުމަށްޓަކައި، އާންމު ރައްޔިތުންނަށް ވެސް އިމިގްރޭޝަން ވޮޗް މެދުވެރިކޮށް މިފަދަ މައްސަލަތައް ރިޕޯޓުކުރެވޭނެ އިންތިޒާމު ވަނީ ހަމަޖައްސާފައެވެ.
