ކުނި އުކާލާ ގަޑިތަކަށް ގެންނަން ނިންމި މި ބޮޑެތި ބަދަލުތަކަކީ މާލެފަހި ޕްރޮގްރާމްގެ ދަށުން ނިންމި ނިންމި ނިންމުމެއްކަމަށް ޓްރާންސްޕޯޓް މިނިސްޓްރީން މައުލޫމާތުދެއެވެ.
އެގޮތުން އެ ބަދަލާއެކު ކުނި އުކާލުމުގެ ވަގުތު ރޭގަނޑު 10:00 އިން ފެށިގެން ފަތިހު 5:00 އަށް ބަދަލުކުރެވޭނެ ކަމަށް ޓްރާންސްޕޯޓް މިނިސްޓްރީން ބުނެއެވެ.
ޓްރާންސްޕޯޓް މިނިސްޓްރީގެ ފަރާތުން އެކަން މާލެފަހި ޕްރޮގްރާމްގައި ހިމަނުމުގެ މަގްސަދަކީ އެއީ މި ބަދަލަކީ މަގުމަތީގެ ތޮއްޖެހުން ކުޑަކުރުމަށްޓަކައި މިވަގުތު ގެންނަން ޖެހިފައިވާ މުހިންމު ބަދަލެއް ކަމުގައިވާތީ ކަަމަށް އެ މިނިސްޓްރީން ފާހަގަކުރެއެވެ.
އޭގެއިތުރުން މާލޭގެ މަގުތަކުގައި، ދުވާލުގެ ވަގުތުތަކުގައި އުޅަނދުފަހަރުގެ ދަތުރުފަތުރު އިތުރުވެފައިވާތީ، ކުނި އުކާލުމުގެ މަސައްކަތް ރޭގަނޑުގެ ވަގުތުތަކަށް ބަދަލުކުރުމަކީ އެންމެ އެކަށީގެންވާ ގޮތް ކަމުގައި ގަބޫލުކުރާކަމަށްވެސް އެ މިނިސްޓްރީން ބުނެއެވެ.
އެ އުސޫލު ތަންފީޒުކުރުމުގައި އެންވަޔަރަމަންޓް މިނިސްޓްރީއާއިއެކު، ކަމާ ގުޅުންހުރި އެހެނިހެން މުއައްސަސާތައް ވެސް ބައިވެރިވާނެ ކަަމަށް ޓްރާންސްޕޯޓް މިނިސްޓަްރީން ބުނެއެވެ. އަދި އޭގެ ތެރޭގައި މާލެ ސިޓީ ކައުންސިލް އަދި ވޭސްޓް މެނޭޖްމަންޓް ކޯޕަރޭޝަން (ވެމްކޯ) ހިމެނޭނެ ކަމަށް ޓްރާންސްޕޯޓް މިނިސްޓްރީން ބުނެއެވެ.
