ސްޓެލްކޯ މައި އޮފީސް
ބޮޑު ސަރަހައްދަކަށް މާދަމާ ކަރަންޓު ކެނޑިދާނެ: ސްޓެލްކޯ
އައިޝަތު ރަޝާ
10 އޮކްޓޯބަރ 2024 - 13:29:10
މާލޭ ސަރަހައްދުގެ ބޮޑު ބަޔަކަށް މާދަމާ ކަރަންޓު ކެނޑިދާނެކަމަށް ސްޓެލްކޯއިން ބުނެފިއެވެ.
Advertisement
ސްޓެލްކޯއިން ނެރުނު އިއުލާނުގައި ބުނީ މާދަމާ ހެނދުނު ހުޅުމާލޭ އަދި މާލޭގެ ބައެއް ސަރަހައްދުތަކުން ކަރަންޓު ކެނޑިގެން ދިޔުމަކީ އެކަށީގެންވާކަމެއްކަމަށެވެ.
ސްޓެލްކޯއިން ބުނިގޮތުގައި އެކި ސަރަހައްދުތަކަށް މާދަމާ ކަރަންޓު ކެނޑިގެން ދިޔުން އެކަށީގެންވާ ސަބަބަކީ ގްރޭޓާ މާލޭ އިންޓަނޭޝަނަލް ގްރިޑް ނެޓްވޯކުގައި ކޮންމެހެން ކުރަންޖެހޭ މަސައްކަތެއް ކުރުމަށް އެ ކުންފުނިން ނިންމާފައިވާތީކަމަށެވެ.
އެގޮތުން ކަރަންޓު ކެނޑިގެންދާނީ މާދަމާ ހެނދުނު 6:00 ކުން 7:00 ދެމެދު ކަމަށް ސްޓެލްކޯއިން ނެރުނު އިއުލާނުގައި ބުނެއެވެ.
އޭގެއިތުރުން އެގަޑީގައި ރައްޔިތުންނަށް ދިމާވެދާނެ ދަތިތަކަށް ސްޓެލްކޯއިްނ ވަނީ މައާފަށް އެދިފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
