މި ހާދިސާ ހިނގާފައިވަނީ ރޭގެ ވަގުތެއްގައި ކަމަށް މައުލޫމާތު ލިބިފައިވެއެވެ.
މި ހާދިސާގައި އަނިޔާ ލިބުނު ފަރާތަކީ އުމުރުން ދުވަސްވީ މީހެކެވެ. ވަގު އެ ގެއަށް ވަދެފައިވަނީ ދޮރެއް ހަލާކުކޮށްގެންނެވެ. ގޭގެ ވެރިފަރާތް އެތަނަށް ވަނުމުން، ވަގު އޭނާއަށް ހަމަލާދީ ބިންމައްޗަށް ވައްޓާލާފައިވެއެވެ. މީގެ ސަބަބުން އުމުރުން ދުވަސްވީ މީހާއަށް ޖިސްމާނީ އަދި ނަފްސާނީ އަނިޔާ ލިބިފައިވާ ކަމަށް އޭނާގެ އާއިލާއިން ބުނެފައިވެއެވެ.
މި ހާދިސާއާ ގުޅިގެން އަނިޔާ ލިބުނު ފަރާތުގެ އާއިލާއިން ވަނީ ކަންބޮޑުވުން ފާޅުކޮށްފައެވެ.
އައްޑޫ ސިޓީގައި މިފަދަ ހާދިސާތައް އިތުރުވެފައިވާކަން ފާހަގަކުރެވެއެވެ. މީގެ ކުރިން ވެސް ހިތަދޫގައި ހުރި ގެއަކަށް މޫނު ނިވާކޮށްގެން ވަދެ، ވެމްކޯގައި މަސައްކަތްކުރާ މީހަކަށް އަނިޔާކޮށް ފޭރިގަތް ހާދިސާއެއް ހިނގާފައިވެއެވެ. މިފަދަ ހާދިސާތައް ހުއްޓުވުމަށް ކަމާބެހޭ އިދާރާތަކުން ފިޔަވަޅުތަކެއް އަޅަމުންދާ ކަމަށް ބުނެފައިވެއެވެ.
