އެމަނިކުފާނު މިހެން ވިދާޅުވެފައިވަނީ އެމްޑީޕީން ކުޅުދުއްފުށީ ސިޓީގައި ބޭއްވި "ލާމަރުކަޒީ ގުޅުން" ކައުންސިލަރުންގެ ކޮންފަރެންސްގައި ވާހަކަފުޅު ދައްކަވަމުންނެވެ.
ރައީސް ސޯލިހު ވިދާޅުވީ މިސަރުކާރު ވެރިކަމަށް އައީ ދޮގުވެރި، މަކަރުވެރި، ހީލަތްތެރި ރޭވުންތަކުގެ ތެރެއިން ކަމަށާއި، އެކަން މިހާރު ސާފުވަމުންދާ ކަމަށެވެ. އަދި ސަރުކާރުން ވެފައިވާ ވައުދުތަކަކީ ހަގީގަތުގެ މައްޗަށް ނުބަލާ ވެފައިވާ ވައުދުތަކެއްކަން މިހާރު ހާމަވަމުންދާ ކަމަށްވެސް ވިދާޅުވިއެވެ.
މީގެ އިތުރުން ރައީސް ސޯލިހު ވިދާޅުވީ މިސަރުކާރަކީ ރައްޔިތުން ދައްކާ ވާހަކަ ގަބޫލު ނުކުރާ ބައެއް ކަމަށާއި، ހިތުހުރި ގޮތަކަށް އަމިއްލަ ފައިދާއަށްޓަކައި ހުރިހާ ކަމެއް ކުރަމުންދާ ބައެއް ކަމަށެވެ. އަދި މިސަރުކާރުގެ މިސްރާބު ޖަހާފައި އޮތީ ހުދުމުހުތާރު ވެރިކަމަކަށް ކަމަށްވެސް ވިދާޅުވިއެވެ.
މި ކޮންފަރެންސްގައި އުތުރުގެ ތިން އަތޮޅުގައި ތިބި އެމްޑީޕީއަށް ނިސްބަތްވާ ކައުންސިލަރުންނާއި ޑަބްލިޔުޑީސީގެ މެންބަރުން ހިމެނޭގޮތަށް 80 ފަރާތަކުން ބައިވެރިވިއެވެ. މިއީ މިދިޔަ ރިޔާސީ އިންތިހާބާއި މަޖިލިސް އިންތިހާބުގައި ލިބުނު ނާކާމިޔާބަށްފަހު، އެމްޑީޕީން ބާއްވާ ފުރަތަމަ ބޮޑު ހަރަކާތެވެ.
