މި ކޮޅިގަނޑުތައް އުފެދިފައިވަނީ ރާއްޖެއާ ދުރުގައި ކަމަށް މެޓް އިން ބުންޏެވެ.
މި ކޮޅިގަނޑުތަކުގެ ސަބަބުން ރާއްޖޭގެ މޫސުމަށް ބޮޑެތި ބަދަލުތަކެއް އަންނަމުންދާ ކަމަށް މެޓް އިން ފާހަގަކޮށްފައިވެއެވެ. މިގޮތުން ރާއްޖޭގެ ގިނަ ބޮޑު ސަރަހައްދަކަށް ވިއްސާރަ ކުރަމުންދާއިރު، ވައިގެ ބާރުމިން ވެސް އިތުރުވެފައިވާ ކަމަށް ބުނެފައިވެއެވެ.
މެޓް އިން ދީފައިވާ މައުލޫމާތުގައިވާ ގޮތުން، މެދުރާއްޖެތެރެއާއި އުތުރުގެ ރަށްތަކަށް ގަޑިއަކު 13 މޭލާއި 23 މޭލާ ދެމެދުގެ ބާރުމިނުގައި ވައިޖެހޭނެއެވެ. އަދި ދެކުނުގެ އަތޮޅުތަކަށް ގަޑިއަކު 8 މޭލާއި 18 މޭލަށް ވައިޖެހޭނެ ކަމަށް ލަފާކުރެވެއެވެ. ވިލާގަނޑުގައި ގަޑިއަކު 45 މޭލަށް ވައިގަދަވެ، ކަނޑުތައް ގަދަވާނެ ކަމަށްވެސް މެޓް އިން އިންޒާރު ދީފައިވެއެވެ.
މި މޫސުމުގެ ހާލަތާ ގުޅިގެން ރާއްޖޭގެ އެކި ސަރަހައްދުތަކަށް ވިއްސާރަ ކުރާނެ ކަމަށް ބެލެވެއެވެ. އަދި ގުގުރުމުގެ ފުރުސަތު އޮތް ކަމަށްވެސް މެޓް އިން ބުނެފައިވެއެވެ. މި ހާލަތުގައި ދަތުރުފަތުރު ކުރާ ފަރާތްތަކުން ސަމާލުވުމަށް މެޓް އިން އިރުޝާދު ދީފައިވެއެވެ. އަދި ކަނޑު ދަތުރުފަތުރު ކުރާ ފަރާތްތަކުން ވެސް ވަރަށް ބޮޑަށް ސަމާލުވުމަށް އިރުޝާދު ދީފައިވެއެވެ.
