މި ހާދިސާ ހިނގީ މިއަދު ހެނދުނު 8:39 ހާއިރުއެވެ.
އެމްއެންޑީއެފް ފަޔާ އެންޑް ރެސްކިޔު ސަރވިސްއިން ބުނީ މި ހާދިސާ ހިނގީ ޕިކަޕްގެ ބެޓެރީ ޝޯޓްވުމުގެ ސަބަބުންނެވެ. ބެޓެރި ޝޯޓްވުމާ ގުޅިގެން އޭގައި އަލިފާން ރޯވެ، އަލިފާން ފެތުރެން ފެށުމުން ވަގުތުން އެމްއެންޑީއެފަށް މި މައުލޫމާތު ލިބުނެވެ.
އެމްއެންޑީއެފުން ބުނީ މި ހާދިސާގެ މައުލޫމާތު ލިބުމާއެކު ވަގުތުން ފަޔާ ފައިޓަރުން އެ ސަރަހައްދަށް ދިޔަ ކަމަށެވެ. އަދި އަވަސް ފިޔަވަޅުތަކެއް އަޅައި، ގާތްގަނޑަކަށް 3 މިނެޓުގެ ތެރޭގައި އަލިފާން ނިއްވާލެވުނު ކަމަށް ވެސް އެމްއެންޑީއެފުން ބުންޏެވެ. އަލިފާން ނިއްވާލެވުނީ ހެނދުނު 8:42 ހާއިރުއެވެ.
މި ހާދިސާގައި އެއްވެސް މީހަކަށް އަނިޔާއެއް ވިކަމުގެ މައުލޫމާތު ލިބިފައި ނުވާކަން އެމްއެންޑީއެފުން ފާހަގަކޮށްފައިވެއެވެ. ނަމަވެސް، މިފަދަ ހާދިސާތަކުން ރައްކާތެރިވުމަށް އާންމުންނަށް އިތުރު ސަމާލުކަމެއް ދިނުމަށް އެމްއެންޑީއެފުން އިލްތިމާސްކޮށްފައިވެއެވެ.
