އިމިގްރޭޝަނުން ބުނީ މި ތަނަކީ އާންމު ސަލާމަތާއި ރައްކާތެރިކަމަށް ނުރައްކާވާފަދަ ގޮތަކަށް ބިދޭސީން ދިރިއުޅެމުން އަންނަ ތަނެއްކަން ފާހަގަކުރެވިފައިވާ ކަމަށެވެ. މި އޮޕަރޭޝަން ހިންގީ ގަވާއިދާ ހިލާފަށް ރާއްޖޭގައި އުޅެމުންދާ ބިދޭސީންގެ މައްސަލަ ހައްލުކުރުމަށް ކުރަމުންދާ މަސައްކަތުގެ ތެރެއިންނެވެ.
ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައްސަލައަށް ދާއިމީ ހައްލެއް ހޯދުމަށް އިމިގްރޭޝަނުން ދަނީ މަސައްކަތްތަކެއް ކުރަމުންނެވެ. މިގޮތުން މިދިޔަ އަހަރުގެ ނޮވެމްބަރު މަހުން ފެށިގެން މިދިޔަ މަހުގެ 17 ވަނަ ދުވަހާ ހަމައަށް 4054 ބިދޭސީން ވަނީ އެމީހުންގެ އަމިއްލަ ގައުމުތަކަށް ފޮނުވާލާފައެވެ. އެންމެ ގިނަ އަދަދެއްގެ ބިދޭސީން ފޮނުވާލާފައިވަނީ މި އަހަރުގެ ޖޫން މަހުގައެވެ.
އިމިގްރޭޝަނުން އިތުރަށް ބުނީ ރާއްޖޭގައި ގަވާއިދާ ހިލާފަށް އުޅޭ ބިދޭސީން ހޯދުމަށް ކުރާ މަސައްކަތްތައް ކުރިއަށް އޮތް ތަނުގައިވެސް ހަރުދަނާކޮށް ކުރިއަށް ގެންދާނެ ކަމަށެވެ. އަދި މިފަދަ އޮޕަރޭޝަންތައް އިތުރަށް ހަރުދަނާކޮށް، ގިނަ އަދަދަކަށް ހިންގުމަށް ރާވާފައިވާ ކަމަށްވެސް ބުންޏެވެ.
