ރައީސް އޮފީހުން ބުނީ މި ނިންމެވުން ރައީސް ނިންމަވާފައިވަނީ އިއްޔެ ބޭއްވި ވަޒީރުންގެ މަޖިލީހުގައި ވަޒީރުންގެ ލަފަޔާއެކުކަމަށެވެ.
މި ޕްލޭން އެކުލަވާލަނީ އާޓިފިޝަލް އިންޓެލިޖަންސްގެ ފަންނިއްޔާތު މެދުވެރިކޮށް އިގްތިސާދީ ފައިދާ އެންމެ ފުރިހަމަ ގޮތުގައި ރާއްޖެއަށް ހޯދޭނެ ގޮތްތަކާއި، އެކަމުގެ ސަބަބުން ދިމާވެދާނެ ނުރައްކާތެރި ހާލަތްތަކުން ސަލާމަތްވާނެ ގޮތްތަކާއި، އެ ޓެކްނޯލޮޖީގެ ބޭނުން ހިފުމުގައި ދިވެހިރާއްޖޭގައި އަމަލުކުރާނެ ޤާނޫނީ ފްރޭމްވާކެއް ހިމެނޭ ގޮތަށްކަމަށް ރައީސް އޮފީހުން ބުނެއެވެ.
އަދި މި ޕްލޭން އެކުލަވާލަނީ މިފަދަ ކަންކަމުގައި ސަރަހައްދީ ޤައުމުތަކުން އަމަލުކުރަމުންދާ ގޮތްތައްވެސް ބަލައިގެންކަމަށް ރައީސް އޮފީހުން ބުނެއެވެ.
އާޓިފިޝަލް އިންޓެލިޖަންސްގެ ފަންނިއްޔާތާ ގުޅޭ މާސްޓާ ޕްލޭނެއް އެކުލަވައިލެއްވުމަށްފަހު، މިކަމާ ގުޅޭ ކަރުދާސްތައް، މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީއާއި މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑުން ވަޒީރުންގެ މަޖިލީހަށް ހުށަހެޅުއްވުމަށް ނިންމާފައިވާކަމަށް ރައީސް އޮފީހުން ބުނެއެވެ.
