ފެހުރިއްސެއް ކައިރީގައި ބަޔަކު ފީނަނީ - ފޮޓޯ: ނާޓިއާނެޓްވޯކް
ހައްުދުންމަތީގައި ގުދުރަތީ ވަސީލަތްތަކުގެ އަގު ކުރުމުގެ މަސައްކަތް ފަށައިފި
ގުފްތަގް އަޖީރު
19 އޮކްޓޯބަރ 2024 - 14:50:55
ލ. އަތޮޅުގައި ގުދުރަތީ ވަސީލަތްތަކުގެ އަގު ކުރުމުގެ މަސައްކަތް ފަށައިފިކަމަށް އެންވަޔަރަމެންޓް މިނިސްޓަރު ތާރިގު އިބްރާހިމް ވިދާޅުވިއެވެ.
Advertisement
މިނިސްޓަރު ތާރިގު ވިދާޅުވީ މި މަސައްކަތް މިހާރު ކުރިއަށްދަނީ ތިން ދާއިރާއަކުން ކަމަށެވެ. އެއީ ފަރުތަކާއި މުރަކަ، މޫދުވިނަ، އަދި ކުޅިއާއި ފާ އަދި ޗަސްބިމުގެ އަގު ކުރުމުގެ މަސައްކަތެވެ. އަދި މި މަސައްކަތް ކުރިއަށް އޮތް މަހެއްހާ ދުވަހުގެ ތެރޭގައި ނިމޭނެ ކަމަށް އޭނާ ވިދާޅުވިއެވެ.
"އަޅުގަނޑުމެންނަކީ ގުދުރަތީ ގޮތުން މުއްސަނދި ގައުމެއް ކަމަށްވަންޏާ މާލީ ފައިދާތައްވެސް ލިބޭނެ" މިނިސްޓަރު ތާރިގު ވިދާޅުވިއެވެ.
ރާއްޖޭގެ ގުދުރަތީ ވަސީލަތްތަކުގެ އަގު ކުރުމަކީ ރައީސް މުއިއްޒު ހާއްސަ އިސްކަމެއް ދެއްވާ ކަމެއް ކަމަށް މިނިސްޓަރު ތާރިގު ވިދާޅުވިއެވެ. އަދި މި މަސައްކަތް ރާއްޖޭގެ އެހެން ސަރަހައްދުތަކަށް ފުޅާކުރުމަށް ރައީސް މުއިއްޒު ނިންމަވާފައިވާ ކަމަށްވެސް އޭނާ ވިދާޅުވިއެވެ.
މިނިސްޓަރު ތާރިގު ވިދާޅުވީ މި މަސައްކަތުގެ ސަބަބުން ރާއްޖޭގެ ގުދުރަތީ ވަސީލަތްތަކުގެ އަގު ދެނެގަނެވި، އޭގެ މާލީ މަންފާތަކެއް ލިބޭނެ ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
