މި ހަމަލާގެ ފަހަތުގައި އޮތީ އީރާނު ކަމަށް އިޒްރޭލުން ތުހުމަތުކޮށްފައިވެއެވެ.
އިޒްރޭލުން ބުނާ ގޮތުގައި މި ހަމަލާ ދިނީ ހިޒްބުﷲ އިންނެވެ. ނަމަވެސް މި ހަމަލާ ނާކާމިޔާބުވެފައިވާ ކަމަށް އިޒްރޭލުން މައުލޫމާތު ދީފައިވެއެވެ. މި ހަމަލާގައި 4 މީހަކު ޒަހަމްވެފައިވާ ކަމަށް ރިޕޯޓުތަކުގައި ބުނެއެވެ. އަލްޖަޒީރާއިން ބުނާ ގޮތުގައި ހަމަލާ ދިން ވަގުތު ނަތަންޔާހޫ އޭނާގެ ގޭގައި ނެތެވެ.
މި ހަމަލާއާ ގުޅިގެން އިޒްރޭލުގެ އުތުރު ސަރަހައްދުތަކުގައި ސައިރަން އަޅައި، ގިނަ އަދަދެއްގެ ރަށްތަކުގައި ވައިގެ ދިފާއީ ނިޒާމު އެކްޓިވޭޓް ކުރެވުނެވެ. މީގެ އިތުރުން، ހައިފާ ސިޓީއާއި އޭގެ ވަށައިގެންވާ ސަރަހައްދުތަކަށްވެސް ރޮކެޓް ހަމަލާ ދީފައިވާ ކަމަށް ރިޕޯޓު ކުރެވިފައިވެއެވެ. ފާއިތުވި 24 ގަޑިއިރުގެ ތެރޭގައި ލުބުނާނުން އިޒްރޭލުގެ ބޮޑުވަޒީރު ދިރިއުޅޭ ގެއަށް އަމާޒުކޮށް 55 މިސައިލް ހަމަލާ ދީފައިވާ ކަމަށް ރިޕޯޓުތަކުން ދައްކައެވެ.
މި ހާދިސާއާ ގުޅިގެން އިޒްރޭލުގެ ދިފާއީ ބާރާމެދު ސުވާލު އުފެދިފައިވެއެވެ. އަދި ހިޒްބުﷲ އިން މި ހަމަލާ ދިނުމުގެ ކުރިން ޑްރޯންތައް ނަތަންޔާހޫ ދިރިއުޅޭ ގެ މަތިން ދިޔަ މަންޒަރު ސޯޝަލް މީޑިއާގައި އާންމުކޮށްފައިވެއެވެ. މި ހަމަލާގެ ރައްދުގައި އީރާނަށް މިސައިލް ހަމަލާތަކެއް ދިނުމަށް އިޒްރޭލުން އެމެރިކާގެ އެހީއަށް އެދިފައިވާ ކަމަށް ރިޕޯޓުތަކުގައި ބުނެއެވެ.
