މި ވޮލެޓް ރަސްމީކޮށް ލޯންޗުކުރީ، މިހާރު ޖަރުމަނުގައި ކުރިއަށްދާ އައިޓީބީ ބާލިން ފެއާގައި ބޭއްވި ހާއްސަ ރަސްްމިއްޔާތެއްގައެވެ. މި ވޮލެޓް ރަސްމީކޮށް ލޯންޗު ކޮށްދެއްވީ، މަޓީގެ ޗެއާމަން ހުސެއިން އަފީފެވެ.
ބީއެމްއެލްގެ ސްވައިޕް ވަނީ ރާއްޖޭގެ ޓޫރިޒަމް ޕްރޮމޯޓްކުރާ ކުންފުނި، ވިޒިޓް މޯލްޑިވްސްގެ ރަސްމީ ވޮލެޓުގެ ގޮތުގައި ހަމަޖައްސާފައެވެ.
އެ ޕާޓްނަޝިޕްގެ މަގުސަދަކީ، ޓޫރިޒަމް ދާއިރާގައި ޑިޖިޓަލް ކުރިއެރުންތައް އަވަހަށް ފޯރުކޮށް ދިނުމާއި، މަސައްކަތުގެ ހިންގުން ހަރުދަނާކުރުމުގެ އިތުރުން، ބައިނަލްއަޤުވާމީ މައިދާނުގައި ރާއްޖޭގެ ޓޫރިޒަމް ސިނާއަތުގެ މަޤުބޫލުކަން އިތުރު ކުރުންކަމަށް ބީއެމްއެލްއިން ވަނީ ބުނެފައެވެ.
ސްވައިޕަކީ ސަަތޭކަ ޕަސެންޓު ދިވެހި އުފެއްދުމެކެވެ. އިންޓަނޭޝަނަލް މިންގަނޑުތަކާ އެއްގޮތަށް އެ ވޮލެޓު ތައާރަފްކުރީ މިދިޔަ އަހަރުގެ އޮކްޓޯބަރު މަހުގެ ތެރޭގަ އެވެ.
އެ ވޮލެޓް މެދުވެރިކޮށް ރާއްޖެއާއި ރާއްޖެއިން ބޭރުގެ މުއާމަލާތްތައް ކުރެވޭނެ އެވެ. އަދި ބީއެމްއެލް އެކައުންޓްތަކުގެ އިތުރުން ކޮންމެ ކްރެޑިޓް، ޑެބިޓް އަދި ޕްރިޕެއިޑް ކާޑަކުން ވެސް ސްވައިޕް ވޮލެޓަށް ފައިސާ ޖަމާކުރެވޭނެ އެވެ.
