އެމްއޭސީއެލްއިން ބުނީ މި ފެއާގެ ތެރެއިން ލަކީ ޑްރޯއެއް ނަގާނެ ކަމަށާއި، އެ ޑްރޯއިން ހޮވޭ 20 ދަރިވަރަކަށް އެމްއޭސީއެލްގެ މަސައްކަތްތައް ބަލާލުމާއި އެ މަސައްކަތްތައް ދަސްކުރުމުގެ ފުރުސަތު ލިބިގެންދާނެ ކަމަށެވެ.
އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފް މުހައްމަދު ވިދާޅުވީ ކުންފުނީގައި 52 ދާއިރާއެއްގެ މުވައްޒަފުން މަސައްކަތްކުރާއިރު ގިނަ ވަޒީފާގެ ފުރުސަތުތަކެއް ހުޅުވިފައިވާ ކަމަށް އޭނާ ވިދާޅުވި އެވެ.
އެމްއޭސީއެލްއިން މަސައްކަތްކުރާނީ އެ ކުންފުނީގައި ހުރި ވަޒީފާގެ ފުރުސަތުތައް ސްކޫލް ދަރިވަރުންނަށް އަންގައިދީ، އެ ކުންފުނީގައި މަސައްކަތްކުރުމުގެ ޝައުގުވެރިކަން ދަރިވަރުންގެ މެދުގައި މިހާރުން ފެށިގެންވެސް އުފެއްދުމަށް ކަމަށް ޝަރީފް ވިދާޅުވިއެވެ.
މި ފެއާ ފެށުމުގެ ރަސްމިއްޔާތުގައި އާޒީ ސްކޫލުގެ ޕްރިންސިޕަލް ބަޝީރާ ވަނީ ސްކޫލްތައް މުޖުތަމައާ ގުޅުން ހަރުދަނާކުރަން ޖެހޭކަން ފާހަގަކުރައްވާފައެވެ. އަދި މި ހަރަކާތް އިންތިޒާމުކުރަން އެމްއޭސީއެލްގެ މެނޭޖްމަންޓުން ދެއްވި އެއްބާރުލުމަށް ޝުކުރު އަދާކުރެއްވި އެވެ. މި ފެއާ ކުރިއަށްދާނީ މިއަދު ހަވީރު ހަތަރު ޖަހަންދެންއެވެ.
