މި އިހުތިޖާޖުގައި ބައިވެރިވި މީހުން ގޮވާލަމުން ދަނީ ވޭޕް މަނާކުރުމުގެ ބަދަލުގައި އެކަން ރެގިއުލޭޓްކުރުމަށެވެ.
އިހުތިޖާޖުކުރަމުންދާ މީހުން ބުނާ ގޮތުގައި ވޭޕް މަނާކުރުމުން ކުދި ވިޔަފާރިތަކަށް ބޮޑެތި ގެއްލުންތަކެއް ވާނެއެވެ. އަދި ވޭޕް ބޭނުންކުރުމަކީ ޖިނާއީ ކުށަކަށް ހެދުމުގެ ބަދަލުގައި އެކަން ރެގިއުލޭޓްކުރުމަށް އެމީހުން ވަނީ ގޮވާލާފައެވެ.
މަޖިލިސް ކައިރިއަށް އެއްވި މީހުން ތިބީ އެކި ޝުއޫރުތައް ލިޔެފައިވާ ބޯޑުތައް ހިފައިގެންނެވެ. މި އިހުތިޖާޖު ކުރިއަށްދަނީ މާލޭގައި ވޭޕް ވިއްކާ ފިހާރަތައް ބަންދުކޮށްފައިވާ ދަނޑިވަޅެއްގައެވެ.
ރައީސް ޑރ. މުހައްމަދު މުއިއްޒު ވަނީ ނޮވެމްބަރު 15 އިން ފެށިގެން ވޭޕްކުރުމަށް ބޭނުންކުރާ ތަކެތި އެތެރެކުރުން މަނާކުރުމަށާއި، ޑިސެމްބަރު 15 އިން ފެށިގެން ވޭޕް ބޭނުންކުރުމާއި، ގެންގުޅުމާއި، އުފެއްދުމާއި، ވިއްކުން މަނާކުރުމަށް ނިންމާފަ އެވެ. މި ނިންމުމާ ގުޅިގެން އާންމުންގެ ހިޔާލު ވަނީ ދެބައިވެފަ އެވެ. ބައެއް މީހުން އެކަމަށް ތައުރީފުކުރާއިރު، އަނެއްބައި މީހުން އަންނަނީ އެކަމާމެދު ކަންބޮޑުވުން ފާޅުކުރަމުންނެވެ.
