މި މައްސަލައިގައި ބަންގްލަދޭޝްގެ މީހަކު ވަނީ 12،000 ރުފިޔާއިން ޖޫރިމަނާ ކޮށްފައެވެ.
ކަސްޓަމްސްއިން މި މީހާ ހިފެހއްޓީ މިދިޔަ އޮގަސްޓު މަހުގެ 25 ވަނަ ދުވަހު 13:53 ހާއިރު، ވެލާނާ އިންޓަނޭޝަނަލް އެއާޕޯޓުންނެވެ. ބަންގްލަދޭޝްއަށް ފުރަން ދިޔަ ޝަހްމިން އިސްލާމް ޝަގުރްގެ ލަގެޖު ބެލިއިރު ޑޮލަރުތައް ފެނުނީއެވެ.
ކްރިމިނަލް ކޯޓުން އިއްޔެ ކުރި ހުކުމުގައި ބުނެފައިވަނީ މި މައްސަލައަކީ އިއުތިރާފުގެ އެއްބަސްވުމެއްގެ މައްޗަށް ބިނާކޮށް ހުށަހެޅި މައްސަލައެއް ކަމަށެވެ. ޝަހްމިން ވަނީ ދައުވާއަށް އިއުތިރާފުވެ، ވީހާވެސް އަވަހަށް ހުކުމްކޮށް، ރާއްޖެއިން ޑީޕޯޓުކޮށް ދިނުމަށް އެދިފައެވެ.
ޕްރޮސެކިއުޓާ ޖެނެރަލްގެ އޮފީހުން ޝަހްމިންއާ އެކު ހަދާފައިވާ އިއުތިރާފުގެ އެއްބަސްވުމުގައިވާ ގޮތުން، ގެންދަން އުޅުނު ޑޮލަރުތައް ދައުލަތަށް ނަގައި، ޖޫރިމަނާގެ ގޮތުގައި 12،000 ރުފިޔާ ދައްކަން ޖެހޭނެ އެވެ. އަދި ކޯޓުން ހުކުމް ކޮށްފައިވަނީ 15 ދުވަހުގެ ތެރޭގައި ޖޫރިމަނާގެ ފައިސާ ދެއްކުމަށެވެ.
