މިފްކޯއިން ބުނީ މި ފައިސާއަކީ މިދިޔަ ސެޕްޓެމްބަރު މަހުގެ 28 ވަނަ ދުވަހުން ފެށިގެން މި މަހުގެ 14 ވަނަ ދުވަހުގެ ނިޔަލަށް އެ ކުންފުންޏަށް ކިރާފައިވާ މަހަށް ދޭންޖެހޭ ފައިސާކަމަށެވެ.
މިފްކޯއިން އިތުރަށް ބުނި ގޮތުގައި މި މުއްދަތުގައި ފެލިވަރު، ކޫއްޑޫ އަދި އައްޑޫ އަށް ކިރާފައިވަނީ 882.32 މެޓްރިކް ޓަނުގެ މަސް އެވެ. މަސްވެރިންނަށް ނުދެވި ހުރި ފައިސާ ދިނުމުގައި ސަރުކާރުގެ އެހީތެރިކަމާއި އެއްބާރުލުން ލިބެމުންދާ ކަމަށް ވެސް މިފްކޯއިން ބުންޏެވެ.
މިފްކޯއިން ވަނީ މިދިޔަ ސެޕްޓެމްބަރު މަހު ވެސް މަސްވެރިންނަށް ނުދެވި ހުރި 17 މިލިއަން ރުފިޔާގެ ބެކްލޮގް ކްލިއާ ކޮށް، ފައިސާ ޖަމާކޮށްދީފަ އެވެ. މީގެ އިތުރުން، އޮގަސްޓް މަހުގެ 9 އިން 23 އަށް މިފްކޯއަށް ކިރާފައިވާ 445 ޓަނުގެ މަހަށް ވާ 7 މިލިއަނަށް ވުރެ ގިނަ ރުފިޔާ ވެސް ސެޕްޓެމްބަރު މަހުގެ ތެރޭގައި ޖަމާކޮށްދީފައިވާ ކަމަށް މިފްކޯއިން ބުންޏެވެ.
