އުމުރުން 13 އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައިގައި ހައްޔަރުކުރި ނ. މިލަދޫ / މީޒާން، އަހްމަދު ވިއާމް (27އ) ދޫކޮށްލީ، އޭނާ ބަންދު ކުރި 30 ދުވަހުގެ މުއްދަތު ހަމަވުމުން ކަމަށްވަނީ މައުލޫމާތު ލިބިފައެވެ. އޭނާ ދޫކޮށްލުމުން ދައުލަތުން އެ މައްސަލަ މިހާރުވަނީ އިސްތިއުނާފުކޮށްފަ އެވެ. އެވެ.
ވިއާމް ހައްޔަރު ކުރީ ފިލައިގެން އުޅެނިކޮށެވެ. ވިއާމް ފިލުމަށް އެހީތެރިވެދިން މީހަކުވެސް ހައްޔަރު ކުރިއެވެ.
އުމުރުން 13 އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލަ ހިނގީ އުތުރުގެ ރަށެއްގައި އެވެ. މި މައްސަލައިގައި ތުހުމަތު ކުރެވޭ މީހާ ހައްޔަރު ކުރީ އޭނާ ފިލައިގެން އުޅޭތީ، އޭނާ ހޯދުމަށް އޭނާގެ ފޮޓޯއާ ވަނަވަރު އާއްމު ކުރިތާ ކުޑައިރުކޮޅެއްގެ ތެރޭގަ އެވެ.
ވިއާމްގެ ކުށުގެ ރެކޯޑެއް އޮންނަކަން އަދި މިހާތަނަށް އެނގިފައި ނުވިނަމަވެސް، އޭނާގެ މައްޗަށް މީގެ ހައެއްކަ އަހަރު ކުރިން ފައިސާގެ މައްސަލައެއްގައި ހުކުމެއްކޮށްފައިވެ އެވެ. ފުލުހުން މިފަދަ މައްސަލަތަކުގައި ގެންގުޅޭ އާންމު އުސޫލުގެ ދަށުން މައްސަލާގައި ހިމެނޭ ކުޑަކުއްޖާގެ ތަފުސީލު އަދި ނިސްބަތްވާ ރަށް ހާމައެއް ނުކުރެ އެވެ.
